រស្ស៊ី ៖ ស្ថាបនិកកម្មវិធីផ្ញើសារ លោក Pavel Durov បានសរសេរ កាលពីថ្ងៃព្រហស្បតិ៍ថា កម្មវិធីផ្ញើសារ Telegram បានរារាំងអ្នកប្រើប្រាស់ ដែលពាក់ព័ន្ធនឹងការផ្សព្វផ្សាយ អំពីអំពើភេរវកម្ម ហើយនឹងអនុវត្តឧបសគ្គផ្នែក បច្ចេកវិទ្យាដើម្បីកំណត់ សកម្មភាពបែបនេះ នាពេលអនាគត ។
លោក Durov បានបន្តថា អ្នកប្រើប្រាស់ Telegram ដែលនិយាយ ភាសារុស្សី ត្រូវបានវាយប្រហារ ដោយសារអនាមិក ក្នុងសប្តាហ៍នេះ ក្នុងនោះជនចម្លែកព្យាយាម បញ្ចុះបញ្ចូល ពួកគេឲ្យប្រព្រឹត្តអំពើភេរវកម្ម។ អ្នកគ្រប់គ្រងរបស់កម្មវិធី ត្រូវបានចោទប្រកាន់ថាបានចាត់វិធានការ ដើម្បីដោះស្រាយរឿងនេះ ក្នុងរយៈពេលមួយម៉ោង បន្ទាប់ពីទទួលបានពាក្យបណ្តឹង ដំបូងកាលពីថ្ងៃអាទិត្យ ។
សហគ្រិនដែលមានមូលដ្ឋាន នៅទីក្រុងឌូបៃបាននិយាយថា ជាលទ្ធផល ការប៉ុនប៉ងរាប់ម៉ឺនដងក្នុងការ ផ្ញើសារបែបនេះត្រូវបានបញ្ឈប់ ហើយអ្នកប្រើប្រាស់រាប់ពាន់នាក់ចូលរួមក្នុងកម្មវិធី Flash Mob នេះប្រឈមនឹងការហាមឃាត់ជាអចិន្ត្រៃយ៍នៃគណនី Telegram របស់ពួកគេ។
លោក Durov បន្ថែមថា ចាប់ពីសប្តាហ៍ក្រោយតទៅ អ្នកប្រើប្រាស់រុស្ស៊ី បេឡារុស្ស និងអ៊ុយក្រែន នឹងអាចកំណត់ថា អ្នកណាអាចផ្ញើសារឯកជនឲ្យពួកគេបាន ។ លើសពីនេះ Telegram គ្រោងនឹងដាក់ពង្រាយយន្តការទាក់ទងនឹង AI ដើម្បីដំណើរការពាក្យបណ្តឹង កាន់តែលឿន ។
Telegram បានស្ថិត នៅក្រោមការត្រួតពិនិត្យ កាន់តែខ្លាំងឡើង បន្ទាប់ពីការ វាយប្រហារភេរវកម្ម ដ៏ឃោរឃៅ កាលពីថ្ងៃសុក្រ សប្តាហ៍មុននៅក្នុង សាលប្រគុំតន្ត្រី Crocus City នៅខាងក្រៅទីក្រុងមូស្គូបានសម្លាប់មនុស្ស ១៤៣ នាក់ ក្នុងនោះមានកុមារ ៣ នាក់ ។ ជនសង្ស័យទាំង៤នាក់ ដែលប្រធានាធិបតី វ្ល៉ាឌីមៀ ពូទីន ពិពណ៌នាថា ជា ពួកអ៊ីស្លាមជ្រុលនិយម ត្រូវបានស្ទាក់ចាប់ ខណៈ ព្យាយាមរត់ភៀសខ្លួនទៅកាន់ព្រំដែនអ៊ុយក្រែន៕
ដោយ៖លី ភីលីព
