វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានឧ្យដឹងថា បទឈប់បាញ់រយៈពេល ១០ថ្ងៃបច្ចុប្បន្នរវាងអ៊ីស្រាអែល និងលីបង់ នឹងត្រូវបន្តរយៈពេលបីសប្តាហ៍ មិនយូរប៉ុន្មានបន្ទាប់ពីប្រទេសទាំងពីរបានធ្វើកិច្ចចរចាកម្រិតឯកអគ្គរដ្ឋទូតលើកទីពីររបស់ពួកគេនៅរសៀលថ្ងៃព្រហស្បតិ៍។
លោក ត្រាំ បានឧ្យដឹងនៅក្នុងការបង្ហោះមួយនៅលើវេទិកាប្រព័ន្ធផ្សព្វផ្សាយសង្គមរបស់លោកថា សហរដ្ឋអាមេរិក នឹងធ្វើការជាមួយរដ្ឋាភិបាលលីបង់ ដើម្បីជួយការពារខ្លួនពីក្រុមហេសបូឡា។
លោក ត្រាំ បានលេីកឡេីងថា លោកបានជួបជាមួយតំណាងអ៊ីស្រាអែល និងលីបង់ នៅការិយាល័យ Oval រួមជាមួយអនុប្រធានាធិបតីអាមេរិក លោក JD Vance រដ្ឋមន្ត្រីការបរទេសលោក Marco Rubio និងឯកអគ្គរដ្ឋទូតអាមេរិកប្រចាំនៅអ៊ីស្រាអែល និងលីបង់។ដោយលោក បានអះអាងដោយមិនផ្តល់ព័ត៌មានលម្អិតថា “កិច្ចប្រជុំនេះបានដំណើរការទៅយ៉ាងល្អ!”។
លោកបានបន្ថែមថា “ខ្ញុំទន្ទឹងរង់ចាំនៅពេលអនាគតដ៏ខ្លីខាងមុខនេះ ដើម្បីធ្វើជាម្ចាស់ផ្ទះទទួលនាយករដ្ឋមន្ត្រីអ៊ីស្រាអែល លោកស្រី បេនចាមីន ណេតាន់យ៉ាហ៊ូ និងប្រធានាធិបតីលីបង់ លោក Joseph Aoun”។
លោកបានឧ្យដឹងកាលពីសប្តាហ៍មុនថា លោករំពឹងថា នឹងជួបជាមួយលោក ណេតាន់យ៉ាហ៊ូ និងលោក Aoun នៅឯសេតវិមានអាមេរិក «ក្នុងរយៈពេលមួយ ឬពីរសប្តាហ៍ខាងមុខ» ដោយសង្ឃឹមថា ភាគីទាំងពីរអាចសម្របសម្រួលកិច្ចព្រមព្រៀងសន្តិភាព ដែលនឹងដោះស្រាយជាមួយក្រុមហេសបូឡា ផងដែរ៕
ប្រែសម្រួល ឈូក បូរ៉ា
