ចិន៖កីឡាករបាល់ទាត់កម្រិតអន្តរជាតិ Wu Lei ហាក់ដូចជាកំពុងស្ថិតនៅលើផ្លូវជាសះស្បើយ ពីការឆ្លងវីរុសកូរ៉ូណា បន្ទាប់ពីតារាបាល់ទាត់ចិនរូបនេះ បានបង្ហើបថា លោកបានត្រលប់ទៅហ្វឹកហាត់នៅប្រទេស អេស្ប៉ាញរួចហើយយោងតាមការចេញផ្សាយពីគេហទំព័រ ឆៃណាឌៀលី។
សុខភាពរបស់កីឡាករវ័យ ២៨ ឆ្នាំរូបនេះគឺជាប្រធានបទដ៏គួរឲ្យព្រួយបារម្ភមួយសម្រាប់អ្នកគាំទ្រ ដែលវិលត្រឡប់ទៅផ្ទះវិញចាប់តាំងពីសមាគមបាល់ទាត់ ចិនបានបញ្ជាក់ថា ខ្សែប្រយុទ្ធ Espanyol បានធ្វើតេស្តិ៍វិជ្ជមាន សម្រាប់ក្របខណ្ឌCOVID-19 កាលពីចុងខែមុន។
កីឡាករ Wu បានព្យាយាមបន្ធូរបន្ថយការភ័យ ខ្លាចទាំងនោះដោយនិយាយថា លោកមានរោគសញ្ញាស្រាលហើយមិនចាំបាច់ព្រួយបារម្ភទេ ទោះយ៉ាងណាបច្ចុប្បន្នភាព ចុងក្រោយរបស់លោកប្រហែលជាព័ត៌មានដែលមានការ ចាប់អារម្មណ៍បំផុត។
កីឡាករ Espanyol បាននិយាយនៅក្នុងប្លុកផ្ទាល់ខ្លួនរបស់លោកថា ទោះបីជាគ្មាននរណាម្នាក់ដឹងថាពេលណាការប្រកួត La Liga នឹងចាប់ផ្តើមឡើងវិញ ក៏ដោយ ក៏ក្រុមគ្រូបង្វឹករបស់យើងនៅតែផ្តល់ឲ្យយើង នូវផែនការបណ្តុះបណ្តាលដើម្បីរក្សាឲ្យយើងមាន លក្ខណៈសមសួន និងការប្រកួតប្រជែង ។
ចាប់តាំងពីថ្ងៃនេះខ្ញុំបានចាប់ផ្តើម ធ្វើការបណ្តុះបណ្តាលមូលដ្ឋានមួយចំនួន មានរឿងជាច្រើនដែលមិនអាចរង់ចាំបាន។ វិធីតែមួយគត់ដើម្បីរីកចម្រើនដោយគ្មាន ការសោកស្តាយគឺត្រូវបន្តដំណើរទៅមុខទៀត ។ កីឡាករចិនបន្តទទូចថា លោកមានអារម្មណ៍ធូរស្រាលពីមួយថ្ងៃទៅមួយថ្ងៃ ហើយការបង្ករោគនឹងមិនបង្កគ្រោះថ្នាក់ដល់អាជីព រយៈពេលវែងរបស់គាត់ទេ។ ទស្សនៈនេះត្រូវបានគាំទ្រដោយអ្នកជំនាញវេជ្ជសាស្ត្រចិនជាច្រើនរូប។
លោក Jiang Weiping អ្នកជំនាញផ្នែកជំងឺផ្លូវដង្ហើម នៅមន្ទីរពេទ្យ Huadong ក្នុងទីក្រុងសៀងហៃបាននិយាយថា ប្រសិនបើWuគ្រាន់តែបង្ហាញរោគសញ្ញាស្រាល រហូតដល់លោកបានជាសះស្បើយពេញលេញ ការឆ្លងនឹងមិនបង្កគ្រោះថ្នាក់អ្វីដល់រាងកាយរបស់លោកទេ ហើយអាជីពវិជ្ជាជីវៈរបស់លោកនឹងមិនរង ផលប៉ះពាល់ទេ៕ដោយ៖លី ភីលីព
