សប្តាហ៍នេះទីបំផុត ក្លឹបយក្សអេស្បាញ Real Madrid បានដាក់ជាសំណើរផ្លូវការមួយ ហើយក្នុងការសុំចចារទិញកីឡាករ ខ្សែប្រយុទ្ធ Aubameyang ពីក្លឹប Arsenal ហើយក៏មានន័យថា នឹងត្រូវប្រជែងជាមួយនឹង Barcelona ផងដែរ។
Real Madrid នៅតែមានផែនការក្នុងការ បន្ថែមកម្លាំងប្រយុទ្ធរបស់ខ្លួនដដែល គិតចាប់តាំងតែពីបានលក់កីឡាករ CR7 ទៅឲ្យ Juventus កាលពីឆ្នាំ២០១៨ ដោយមកដល់ពេលនេះក្លឹប នៅមិនទាន់មានកីឡាករណា សម្រាប់ជំនួសតំណែងប្រយុទ្ធ របស់កីឡាករប៉ទុយហ្គាល់រូបនេះឡើយ។
Hazard ដែលបានផ្ទេរទៅ Real Madrid កាលពីរដូវក្តៅមុនហាក់មិនសូវ ទទួលបានជោគជ័យឡើយ ដោយអាចរកបានតែ ១គ្រាប់គត់ ក្នុងការប្រកួតទាំង ១៥ដង ហើយកំពុងបន្តព្យាបាលរបួសរហូតមក។
Aubameyang គិតចាប់តាំងតែពីបានផ្ទេរមក Arsenal កាលពីឆ្នាំ២០១៨ គេអាចរកបាន ៦១គ្រាប់ មកហើយក្នុងការប្រកួតទាំង ៩១ដង ប៉ុន្តែកីឡាករវ័យ៣០ឆ្នាំរូបនេះ បានបដិសេធមិនព្រមបន្តកុងត្រាថ្មី នៅឡើយខណៈដែលកុងត្រាចាស់ នឹងត្រូវផុតមួយរដូវកាលទៀតប៉ុណ្ណោះ ៕
ប្រែសម្រួល៖ ស៊ុន លី
