ប៉ារីស៖ ប្រធានគណៈកម្មាធិការ រៀបចំការប្រកួត បានឲ្យដឹងថា ថវិកាសម្រាប់ការប្រកួតកីឡាអូឡាំពិកឆ្នាំ ២០២៤ នៅទីក្រុងប៉ារីសបច្ចុប្បន្ន នៅតែមិនផ្លាស់ប្តូរ ទោះបីជាមានការរីករាលដាល នៃជំងឺឆ្លងក៏ដោយ នេះបើយោងតាមការចេញផ្សាយ ពីគេហទំព័រជប៉ុនធូដេ។
លោក Tony Estanguet បាននិយាយ នៅក្នុងសន្និសីទមួយថា គណៈកម្មាធិការរបស់លោក នឹងមិនឱនក្បាល ចំពោះការរិះគន់ពីខាងក្រៅ ដើម្បីផ្លាស់ប្តូរ DNA នៃព្រឹត្តិការណ៍អូឡាំពិករដូវក្តៅ ក្នុងរយៈពេល ៤ ឆ្នាំ។ លោក Estanguet ម្ចាស់ជើងឯកអូឡាំពិក៣ជំនាន់ នៅប្រទេសបារាំង ក្នុងទូកកានូបាននិយាយថា វិបត្តិនេះមិនទាន់ចប់ទេ ហើយយើងត្រូវតែ រក្សាភាពរាបទាបច្រើន ។ អ្វីដែលប្រាកដនោះគឺថា បញ្ហាប្រឈមនឹងធំធេង។
ប៉ុន្តែ Estanguet បានបន្ថែមទៀតថា មានរឿងជាច្រើន ដែលយើងមិនចង់ប៉ះ វាស្ថិតនៅក្នុង DNA នៃប៉ារីស ២០២៤ ដែលជាទស្សនីយភាពអារម្មណ៍រួមដ៏ខ្លាំងក្លា ព្រឹត្តិការណ៍បង្រួបបង្រួម ដ៏ស្រស់ស្អាតបំផុត ប្រទេសរបស់យើង មានសមត្ថភាពរៀបចំ។
Estanguet បានទទូចថា បច្ចុប្បន្ន គ្មានការចំណាយបន្ថែមណាមួយ ត្រូវបានកំណត់ទេ ទាំងការវិនិយោគ លើហេដ្ឋារចនាសម្ព័ន្ធ (៣ ពាន់លានអឺរ៉ូក្នុងនោះ រួមមាន ១.៦ ពីរដ្ឋនិងអាជ្ញាធរមូលដ្ឋាន) ឬសម្រាប់ថវិការៀបចំ របស់ប៉ារីស -២០២៤ (៣,៨ ពាន់លានអឺរ៉ូ)៕ ដោយ៖លី ភីលីព
