ក្លឹបកាំភ្លើងធំArsenal ត្រូវបានគេជឿជាក់ថា បានបើកកិច្ចចរចាគ្នាមួយជាមួយនឹងភ្នាក់ងារកីឡាករ Phillipe Coutinho ដើម្បីពិនិត្យមើលលទ្ធភាព ក្នុងការដោះដូរយកកីឡាករប្រេស៊ីលរូបនេះត្រឡប់មក លេងនៅអង់គ្លេសវិញនៅរដូវក្តៅខាងមុខនេះ។
កីឡាករខ្សែប្រយុទ្ធវ័យ២៧ឆ្នាំ រូបនេះបានបរាជ័យ មិនអាចសាងកេរ្ត៍ឈ្មោះឡើយ ក្នុងពេលលេង ជាមួយនឹងក្លឹបយក្សអេស្បាញBarcelona ក្រោយពេលដែលបាន ផ្ទេរពីក្លឹបហង្សក្រហមLiverpoolកាលពីឆ្នាំ២០១៨ហើយ ទីបំផុតបានត្រឹមក្លឹបអេស្បាញរុញ ចេញទៅឲ្យលេងលក្ខខណ្ឌខ្ចីជើងជាមួយនឹងក្លឹប Bayern Munichរហូតមក។
តាមពិតBayern Munich មានជម្រើស២សម្រាប់រក្សាទុកកីឡាករប្រេស៊ីលរូបនេះទី១គឺទិញដាច់ ក្នុងតម្លៃ១០៥លានផោននិងទី២គឺបន្តកុងត្រាខ្ចីជើងប៉ុន្តែ យោងតាមការអះអាងរបស់ប្រធានក្លឹបលោកKarl Heinze Rummenigge បានបញ្ជាក់ហើយថា ក្លឹបមិនចាប់អារម្មណ៍ចំពោះ កីឡាកររូបនេះឡើយនៅចុងបញ្ចប់។
កាំភ្លើងធំArsenal ក្រោមការដឹកនាំរបស់ លោកArtetaបានថែមទាំងត្រៀមតំណាងរបស់ក្លឹបដើម្បី ជួបជាមួយនឹងភ្នាក់ងារកីឡាករគឺលោក Kia Joorabchian រួចហើយក្នុងការចរចាផ្តល់លក្ខខណ្ឌផ្ទាល់ខ្លួនជូនកីឡាករ៕
ប្រែសម្រួល៖ស៊ុនលី
