ខ្សែបម្រើប្រយុទ្ធ Jese Rodriguez ត្រូវបានក្លឹប Paris Saint-Germain សម្រេចបញ្ចប់កុងត្រាមុនកំណត់រយៈពេល៦ខែ បន្ទាប់ពីមានរឿងអាស្រូវផ្លូវភេទ។
កីឡាករវ័យ២៧ឆ្នាំ ត្រូវបានចោទប្រកាន់លួច ទាក់ទងមិត្តភ័ក្ដិ របស់មិត្តស្រីរបស់ខ្លួន ដែលជាតារាម៉ូដែល ។ ក្នុងនោះដែរ កាលពីខែមុនគេបានធ្វើពិធីជប់លៀង ដោយមិនបានពាក់ម៉ាស់ និងរក្សាគម្លាតពីគ្នា ដែលវាខុសពីវិធាន ការការពារកូវីដ១៩ ។
ដោយសារតែរូបភាពខាងលើ ធ្វើឲ្យខូចមុខមាត់ក្លឹប PSG បានសម្រេចចិត្តបញ្ចប់កុងត្រា របស់កីឡាករសញ្ជាតិអេស្ប៉ាញតែម្ដង ។ ក្លឹបមានមូលដ្ឋានក្នុងទីក្រុងប៉ារីស បានចេញសេចក្ដីប្រកាសថា៖ “ Paris Saint-Germain និង Jese បានយល់ព្រមបញ្ចប់កុងត្រា របស់កីឡាករ ដែលនឹងអស់សុពលភាព នៅថ្ងៃទី ៣០ ខែ មិថុនា ឆ្នាំ ២០២១” ។
Jese Rodriguez បានផ្ទេរមកកាន់ PSG ពីក្លឹប Real Madrid កាលពីឆ្នាំ២០១៦ ក្នុងតម្លៃខ្លួន២៥លានអឺរ៉ូ។ លេងបាន១៨ប្រកួតគិតគ្រប់កម្មវិធីឲ្យក្លឹប Jese រកបាន២គ្រាប់ ជួយក្រុមឈ្នះពាន Ligue 1រដូវកាល២០១៩-២០ និង Coupe de la Ligue ឆ្នាំ២០១៧ ៕ sabay
