Georgina Rodriguez បានរួមរស់ជាមួយ Cristiano Ronaldo ជាច្រើនឆ្នាំមកហើយ និងកាន់តែផ្អែមល្ហែមថែមទៀត នៅមួយរយៈចុងក្រោយនេះ ដោយធ្លាយដំណឹងថា ពួកគេគ្រោងនឹងរៀបការផងដែរ។
ក្នុងបទសម្ភាសន៍មួយ កាលពីពេលកន្លងទៅ Georgina ដែលធ្លាប់មានប្រវត្តិចេញពីគ្រួសារ ល្មមមួយនោះ បានបង្ហើបពីរបៀបរស់នៅ និងការមើលថែផ្ទះសម្បែងរបស់នាង ធ្វើឱ្យ Ronaldo ពេញចិត្តជាខ្លាំង ។ អតីតបុគ្គលិកធ្វើការនៅហាង លក់សំលៀកបំពាក់មួយ នៅអេស្ប៉ាញនេះ បញ្ជាក់ថានាងភាគច្រើនធ្វើម្ហូបផ្ទាល់ដៃដើម្បីឱ្យ Ronaldo ញ៉ាំតែម្ដង បើទោះជាក្នុងផ្ទះមានចុងភៅហើយក៏ដោយ ។
“Ronaldo មិនធ្វើម្ហូបទេ ។ បន្ទាប់ពីហាត់នៅពេលព្រឹករួច គាត់នឹងទទួលបានអាហារត្រៀម ជាស្រេចនៅលើតុ ដើម្បីញ៉ាំ ដែលសុទ្ធតែជាអាហារគាត់ចូលចិត្ត ។ យើងមានចុងភៅ តែពេលខ្លះខ្ញុំជាអ្នកធ្វើឱ្យគាត់ ។ គាត់ មានភារកិច្ចមើលថែតែខ្លួនឯង ដើម្បីឱ្យដល់ចំណុចកំពូលប៉ុណ្ណោះ ក្រៅពីនោះការងារផ្ទះទាំងអស់ខ្ញុំជាអ្នករ៉ាប់រង ។ ខ្ញុំត្រូវមើលថែផ្ទះ និងរៀបចំឱ្យបានល្អបំផុត ។ នេះជាការងាររបស់ខ្ញុំ ដែលខ្ញុំចូលចិត្ត មើលថែកូនៗ និងរៀបចំផ្ទះឱ្យបានស្អាត”។ សម្ដីរបស់ Georgina ប្រាប់ពីរបៀបរស់នៅជាមួយ Ronaldo ៕ sabay
