ខ្សែបម្រើរបស់ក្លឹប Manchester City កីឡាករ Kevin de Bruyne បានឈ្នះពានកីឡាករល្អប្រចាំឆ្នាំនៅអង់គ្លេស PFA Player of the Year ២រដូវកាលជាប់គ្នា។
មិត្តរួមក្រុមនៅ City កីឡាករ Phil Foden បានឈ្នះពានកីឡាករវ័យក្មេងល្អជាងគេ (PFA Young Player of the Year)។ កីឡាករទាំងពីរគឺជាកម្លាំងដ៏សំខាន់ជួយ Man City ឈ្នះពាន Premier League ជាលើកទី៣ ក្នុងរយៈពេល៤ឆ្នាំ និងពាន League Cup។
Kevin de Bruyne បានក្លាយជាកីឡាករទីបីដែលអាចឈ្នះពាន PFA Player of the Year ២រដូវកាលជាប់គ្នា បន្ទាប់ពី Cristiano Ronaldo ធ្លាប់ធ្វើបានពេលដែលគេលេងនៅ Manchester United និង Thierry Henry កាលនៅ Arsenal។
Foden វ័យ២១បានបង្ហាញខ្លួន៥០ប្រកួតឲ្យ City គិតគ្រប់កម្មវិធីក្នុងរដូវកាលនេះ និងរកបាន១៦គ្រាប់៕
ប្រភព៖ sabay
