Michael Owen ជឿជាក់ Phil Foden នឹងដើរតាមគន្លង របស់លោកជួយអង់គ្លេស នៅពាន Euro ដូចដែលលោកធ្លាប់ធ្វើ កាលពីឆ្នាំ១៩៩៨នៅ World Cup ។
Owen មានវ័យទើបតែ១៨ឆ្នាំប៉ុណ្ណោះ ពេលដែលគេចាប់ផ្ដើម ធ្វើឲ្យពិភពលោក ចាប់ផ្ដើមស្គាល់ដោយរកគ្រាប់បាល់ បានទល់នឹងរ៉ូម៉ានី ។ បន្ទាប់មកគេបង្ហាញទម្រង់លេងល្អទៀត ពេលប៉ះអាហ្សង់ទីន ក្នុងពានរង្វាន់ World Cup ដែលរៀបចំនៅបារាំង។
ពេលនេះ Foden វ័យ២១ ដែលទើបជួយ Manchester City ឈ្នះពានលីក កំពុងក្លាយជាតារា ដែលត្រៀមលេចធ្លោ ស្ថិតក្នុងក្រុមរបស់លោក Gareth Southgate។ Owen បានលើកសរសើរអំពីសមត្ថភាពរបស់ Foden ហើយជឿជាក់គេនឹងល្បីឈ្មោះខ្លាំងនៅ Euro ឆ្នាំនេះ។
“ខ្ញុំគិតថា Foden គឺពិសេសខ្លាំងណាស់ ។ គេប្លែកពីកីឡាករដទៃ។ គេនឹងក្លាយជាកីឡាករកម្រិតពិភពោលោក” ។ មុនការប្រកួតមកដល់ Foden បានអរគុណដល់លោក Gareth ដែលផ្ដល់ឱកាស ឲ្យចូលជម្រើសជាតិជាថ្មី ក្រោយមានរឿងអាស្រូវ យកនារីឡើង សណ្ឋាគារ កាលពីឆ្នាំមុន។
កាលព្រឹត្តិការណ៍ World Cup ១៩៩៨ នៅបារាំង Michael Owen បានជាប់ឈ្មោះជាកីឡាករ វ័យក្មេងឆ្នើមជាង គេប្រចាំកម្មវិធី ៕
sabay
