ខ្សែបម្រើ Juan Mata ត្រូវបានខាងក្លឹប Manchester United បានចុះផ្សាយជាផ្លូវការនៅក្នុងថ្ងៃនេះថា កីឡាករនេះបានព្រមបន្តកុងត្រាថ្មីរយៈពេល ១ឆ្នាំបន្ថែមទៀតរហូតដល់ឆ្នាំ២០២២ខាងមុខ។
តាមពិតទៅ Mata បានបញ្ចប់កុងត្រាជាមួយ Man Utd រួចទៅហើយកាលពីថ្ងៃទី៣០ ខែមិថុនា ឆ្នាំ២០២១ ប៉ុន្តែទើបតែនៅក្នុងថ្ងៃនេះកីឡាករនេះក៏បានធ្វើការសម្រេចចិត្តចង់បន្តលេងឲ្យក្លឹបអង់គ្លេសនេះបន្តទៀត។
គួរបញ្ជាក់ផងដែរថា Mata បានមកលេងឲ្យ Man Utd តាំងពីឆ្នាំ២០១៣ ដោយខាងក្លឹបបានចំណាយលុយទិញពី Chelsea ជាង៥១លានដុល្លារ ដោយកីឡាករនេះបានចូលរួមលេងសរុបបាន ២៧៣ប្រកួត និងរកគ្រាប់បាល់បាន ៥១គ្រាប់៕
