កីឡា

៣​ហេតុ​ផល ​បង្ហាញ​ថា វឌ្ឍនាកា ​អាច​ជាប់​ជម្រើស​ជាតិ​ឡើង​វិញ​

កាល​ពី​ម្សិល​មិញ​នេះ​​ខ្សែ​ប្រយុទ្ធ​​​​ បទ​ពិសោធ​​ក្រៅ​ស្រុក​ជោគជាំ​​ ចាន់ រឌ្ឍនាកា ​រក​បាន​ពីរ​គ្រាប់ និង​បាន​ទាត់​កាប់​មួយ​ជើង​យ៉ាង​ស្អាត ​ជួយ​ឲ្យ​បឹង​កេត​យក​បាន​​៣​ពិន្ទុ​ ពី​​ទឹក​ដី​របស់​ស្វាយរៀង​នៅ​នាទី​ទី​៩០+ សម្រាប់​ការ​ប្រកួត​លីគ​កំពូល ​កម្ពុជា​សប្ដាហ៍​ទី​១០ ​​ដែល​បញ្ចប់​ទៅ​បឹង​កេត​ ឈ្នះ​ស្វាយរៀង ២-១ ។ ក្រោយ​ការ​ជួយ​ឲ្យ​បឹង​កេត​ ឈ្នះ​ជាប់ៗ​គ្នា ​ខ្សែ​ប្រយុទ្ធ​ដើម​កំណើត​ មក​ពី​ខេត្ត​កំពត​រូប​នេះ ​នឹង​អាច​ជាប់​ជម្រើស​ជាតិ​ឡើងវិញ ​ក្រោម​ហេតុ​ផល​បី​​នេះ​។

១-​ការ​បញ្ចប់​​ទី​៖ ​វឌ្ឍនាកា នៅ​តែ​ជា​ខ្សែ​ប្រយុទ្ធ​មាន ​​កម្រិត​បញ្ចប់​ទី​ច្បាស់ ​​​​មិន​ចាញ់​កីឡាករ​ផ្សេង ​ផ្ទុយ​ទៅ​វិញ​គេ​បាន​​បង្ហាញ​ទម្រង់​លេង​​ ប្លែក​កាល​ពី​ម្សិលមិញ​ ​ពោល​គឺ​ហាក់​កាច នឹង​មាន​ភាព​ស្វាហាប់​។

២-ការ​លេង​ពេញ​៩០នា​ទី​៖ អ្នក​ណា​ក៏​ដឹង​ដែរ​ថា ​កន្លង​មក​ខ្សែ​ប្រយុទ្ធ​រូប​នេះ ​មាន​ភាព​ខ្សោយ​កម្លាំង​​ ​ហើយ​កម្រ​ឃើញ​លេង​ពេញ​៩០​នា​ទី​ណាស់​។ ​ប៉ុន្តែ​ម្សិលមិញ​នេះ ​គេ​បាន​លេង​​ ពេញ​៩០នាទី​ ទល់​ក្រុម​ខ្លាំង​ស្វាយរៀង​។ ប្រិយមិត្ត​ពិត​ជា​ដឹង​ហើយថា​ការ​ទទួល​បាន ​ឱកាស​លេង​ពេញ​ៗបែប​នេះ ​វា​នឹង​អាច​ធ្វើ​ឲ្យ​កម្លាំង ​របស់​កីឡាករ​​ ស្ថិត​នៅ​កម្រិត​មួយ​ល្អ ហើយ​ការ​ជាប់​ជម្រើស​ជាតិ​ ក៏​មិន​ត្រូវ​បាន​​មើល​រំលង​​ផង​ដែរ​។

៣-នឹង​មាន​​ភាគ​រយ​ខ្ពស់​​ ជាប់​ជម្រើស​ជាតិ​វិញ ​​បើ​សិន​បន្ត​រក​បាន​​គ្រាប់​បាល់ ​ក្នុង​បញ្ជី​ Top Scorers ៖ បូក​ទាំង​ពីរ​គ្រាប់​ម្សិលមិញ​ វឌ្ឍនាកា រក​បាន​៩គ្រាប់​ហើយ ​​ស្មើ​កីឡាករ ​កែវ ​សុខ​ផេង​ របស់​វិសាខា ​ដែល​ជា​ខ្សែ​ប្រយុទ្ធ ​ទើប​ជាប់​ជម្រើសជាតិ​ថ្មីៗ។ យ៉ាង​ណា​ការ​ទាត់​បញ្ចូល​ទី​ ដៃ​គូ​ច្រើន​គ្រាប់ នឹង​បាន​ជាប់​ក្នុង​បញ្ជី​ Top Scorers ​នេះ​ក៏​មិន​ទាន់​ប្រាកដ ​១០០% ​ថា នឹង​បាន​ជាប់​ជម្រើស​ជាតិ​ឡើង​វិញ​នោះ​ដែរ​ គ្រប់​យ៉ាង​អាស្រ័យ​លើ​វឌ្ឍនាកា ខ្លួន​ឯង​ផ្ទាល់ ​ថា​​​ចង់​ជាប់​ឡើង​វិញ​ឬ​អត់ ហើយ​បើ​សិន​គេ​ពិត​ជា​ចង់​ជាប់​មែន​នោះ​ គេ​គ្រាន់​តែ​ប្រឹងប្រែង​ហ្វឹកហាត់​ ប្រមូល​កម្លាំង​នឹង​មាន​ភាគរយ​ខ្ពស់​​ ព្រោះ​គេ​បញ្ចប់​ទី​ច្បាស់​៕ ​​​​​​ប្រភព៖ សប្បាយ

Most Popular

To Top