ខ្សែប្រយុទ្ធ Cristiano Ronaldo បានជួបសម្ភាសន៍ជាមួយក្លឹប Manchester United ក្នុងថ្ងៃនេះជាផ្លូវការលើកដំបូង ក្រោយត្រលប់មកលេងឲ្យក្លឹបនេះវិញនៅក្នុងរដូវកាលឆ្នាំ២០២១/២២នេះ។ នៅក្នុងកិច្ចសម្ភាសន៍មួយនេះកីឡាកររូបនេះត្រូវខាងក្លឹបនេះសួរថា តើ Sir Alex Ferguson ចូលរួមក្នុងចំណែកណាខ្លះ ធ្វើឲ្យគេត្រលប់មកក្លឹបនេះសារជាថ្មី?
Ronaldo ក៏បានឆ្លើយតបថា៖” ដូចអ្នកគ្រប់គ្នាសុទ្ធតែដឹងហើយ ចាប់តាំងពីខ្ញុំមកលេងឲ្យ Man Utd ដំបូងកាលពីខ្ញុំអាយុនៅ ១៨ឆ្នាំម្ល៉េះ Sir Alex ជាមូលហេតុធ្វើឲ្យខ្ញុំធ្លាប់មកទីនេះ ដូចតាមខ្ញុំចាំក្រោយខ្ញុំលេងតទល់នឹង Man Utd នេះកាលខ្ញុំលេងឲ្យ Sporting Lisbon “។
កីឡាករនេះបន្តថា៖” សម្រាប់ខ្ញុំគាត់ដូចជាឪពុកបង្កើតនៅក្នុងបាល់ទាត់នេះអញ្ចឹង។ គាត់ជួយខ្ញុំច្រើនណាស់ គាត់បង្រៀនខ្ញុំច្រើន។ ហើយបើតាមគំនិតខ្ញុំគាត់ហ្នឹងហើយជាអ្នកធ្វើឲ្យខ្ញុំចង់មកនេះទៀត ព្រោះទំនាក់ទំនងយើងទាំងពីរគឺរាប់អានទាក់ទងគ្នាគ្រប់តែពេលហ្នឹង គាត់ជាមនុស្សអស្ចារ្យមែនទែន។ ខ្ញុំចូលចិត្តគាត់ខ្លាំងណាស់ គាត់ហ្នឹងហើយជាអ្នកធ្វើឲ្យខ្ញុំសម្រេចចិត្តមកទីនេះម្ដងទៀត “។
សូមរំលឹកផងដែរថាកាលពីថ្ងៃសុក្រកន្លងទៅនេះ Ronaldo បានសម្រេចចិត្តចេញពី Juventus ដោយជិតត្រូវរ៉ូវនឹងក្លឹប Man City ទៅហើយតែចុងបញ្ចប់កំពូលខ្សែប្រយុទ្ធរូបនេះក៏សម្រេចទៅ Man Utd វិញដែលជាក្លឹបធ្លាប់លេងឲ្យ និងកសាងកេរ្តិ៍ឈ្មោះជាមួយកាលពីឆ្នាំ២០០៣ ដល់ឆ្នាំ២០០៩៕
ប្រភព៖ http://sabay
