ខ្សែបម្រើប្រយុទ្ធ Jesse Lingard បានចេញមុខសុំទោស ទៅកាន់អ្នកគាំទ្ររបស់ Manchester United ទាំងអស់ សម្រាប់កំហុស ដែលបង្កឡើងក្នុងការប្រកួត UCL ទល់នឹង Young Boys។
Lingard បានសាងកំហុសបោះបាល់ ទៅក្រោយ ធ្វើឲ្យខ្សែប្រយុទ្ធ Theoson Siebatcheu របស់ Young Boys ឆក់ឱកាស ទាត់បាល់បញ្ចូលទីយកជ័យជម្នះ ២-១នៅចុងម៉ោងលើ United ។ ក្រោយរឿងនេះកើតឡើង កីឡាករសញ្ជាតិ អង់គ្លេសរងការរិះគន់យ៉ាងខ្លាំង លើបណ្ដាញសង្គម។
យ៉ាងណាមិញ បន្ទាប់ពីបញ្ចប់ការប្រកួត Lingard បានបង្ហោះសារមួយសុំទោស ទៅកាន់អ្នកគាំទ្រ ។ ក្នុងសារនោះកីឡាករវ័យ២៨ឆ្នាំបាននិយាយថា ការប្រកួតកាលពីយប់ថ្ងៃអង្គារ គេពិតជាឈឺចាប់ ។ គេតែងតែចង់ធ្វើឲ្យបានល្អសម្រាប់ក្លឹប ក្រុមនិងជាពិសេសអ្នកគាំទ្រ ។ គេពិតជាសោកស្ដាយចំពោះការបរាជ័យនេះ ហើយមិនចង់ចាញ់ ការប្រកួតណាមួយឡើយ ប៉ុន្តែកំហុសតែងកើតក្នុងបាល់ទាត់។ ពេលនេះមានខំប្រឹង ជំរុញទៅមុខទាំងអស់គ្នាទេ។
Manchester United បានប្រកួតបើកឆាកពាន Champions League ចាញ់ក្រុម Young Boys លទ្ធផល ១-២ ខណៈ Cristiano Ronaldo ធ្វើបានមួយគ្រាប់។ ប៉ុន្តែលទ្ធផលនេះបានធ្វើឲ្យអ្នកគាំទ្រ បិសាចក្រហមខកចិត្តជាខ្លាំង៕
