ក្លឹបអ្នកមានជាន់ថ្មី Newcastle United កំពុងសម្លឹងឆក់យកកីឡាករ មួយចំនួនរបស់ Manchester United នៅក្នុងទីផ្សារដោះដូរ កីឡាករនៅខែមករាខាងមុខ ។
Newcastle ត្រូវគេរំពឹងថា នឹងត្រៀមចាយលុយដ៏សន្ធឹកសន្ធាប់ ក្នុងទីផ្សារដោះដូររដូវរងារ ក្រោយមានម្ចាស់ក្លឹបថ្មី ដែលជាព្រះអង្គម្ចាស់ Mahammed bin Salman របស់ប្រទេសអារ៉ាប៊ីសាអ៊ូឌីត ។ ថ្មីៗនេះមានព័ត៌មានថា Newcastle បានកំណត់ចង់ទិញកីឡាករ របស់ United ៤នាក់ដែលមិនត្រូវជាប់ជម្រើសជាមួយក្លឹប ។
ប្រភពពី The Mirror បានចុះផ្សាយថា Newcastle រៀបផែនការចង់ផ្ទេរយក Donny van de Beek, Jesse Lingard, Anthiony Martial និង Eric Bailly ។ កីឡាករទាំង៤នាក់នេះ សុទ្ធសឹងតែជាកីឡាករបម្រុង មិនសូវបានលេងជាទៀងទាត់ឲ្យ United ឡើយ។
ព្រះអង្គម្ចាស់ Mahammed bin Salman ដែលមានទ្រព្យ ដល់ទៅ៣២០ពាន់លានអឹរ៉ូ បានទិញក្លឹប Newcastle United ក្នុងតម្លៃ៣០២លានផោន ។ គេរំពឹងថា Newcastle នឹងក្លាយជាធំថ្មីមួយទៀត នៅអង់គ្លេស ដើរតាមគន្លង របស់ Manchester City ៕
