The Mirror នៅថ្ងៃនេះបានចេញផ្សាយថា ក្លឹបយក្សអេស្បាញ Barcelona កំពុងត្រៀមកញ្ចប់លុយ ដ៏ច្រើនសន្ធឹកសន្ធាប់មួយ
សម្រាប់កុងត្រាឲ្យកីឡាករកំពូលខ្សែប្រយុទ្ធ Erling Haaland មុនពេលដែលការដោះដូរ រដូវក្តៅឈានចូលមកដល់។
កុងត្រារបស់កីឡាករ Ousmane Dembele ដើម្បីអាចបន្តជាមួយនឹងក្លឹប Barcelona ហាក់ដូចជាកំពុងជួប បញ្ហាដោយសារតែ
បញ្ហានៃការដោះដូរកីឡាករ Haaland ពីព្រោះថាកីឡាករបារាំងរូបនេះ មិនសូវសប្បាយចិត្តឡើយ ជាមួយនឹងការមកដល់របស់កីឡាករ
ថ្មីដែលអាចំនួសតំណែង របស់គាត់បាន ។
Dembele វ័យ២៤ឆ្នាំ មកដល់ពេលនេះ គឺមានសិទ្ធគ្រប់គ្រាន់ ក្នុងការចរចាចាកចេញពីក្លឹប នៅរដូវក្តៅដោយមិនមាន តម្លៃខ្លួនឡើយលុះត្រា
ណាតែ Barcelona នឹងព្រមព្រៀងតាមលក្ខខណ្ឌរបស់កីឡាករដែលបានព្យាយាមទាមទារ ជាច្រើនសប្តាហ៍មកហើយនោះ។
កុងត្រារយៈពេល៥ឆ្នាំរបស់ Dembele ដែលទទួលបាន២០ម៉ឺនផោន ក្នុងមួយសប្តាហ៍នេះ ក៏ជាឧបសគ្គដ៏ធំរបស់ Barcelona ដើម្បីទាក់ចិត្ត
របស់ Haaland ខណៈដែលក្លឹបកំពុងមានបញ្ហា បំណុលដល់ទៅជាង ១ពាន់លានផោន ៕
ប្រែសម្រួល៖ស៊ុនលី
