កីឡា

អ្វី​ដែល​ Chelsea អាច​ធ្វើ​បាន​ និង​ធ្វើ​មិន​បាន​ ក្រោយ​ Abramovich រង​ទណ្ឌកម្ម​ពី​អង់គ្លេស?

លោក​ Roman Abramovich ម្ចាស់​ក្លឹប​ Chelsea ដែល​ជា​មនុស្ស​ជំនិត​មួយ​រូប​ របស់​ប្រធានាធិបតី​រុស្ស៊ី​ ត្រូវ​បាន​រដ្ឋាភិបាល​អង់គ្លេស​សម្រេច​ធ្វើ​ការ​ដាក់​ទណ្ឌកម្ម​ នៅ​ក្នុង​ថ្ងៃ​នេះ​ ដោយ​​បង្កក​ទ្រព្យ​សម្បត្តិ​របស់​លោក​ទាំង​អស់​របស់​​ និង​បង្កក​ការ​ចរាចរណ៍​​លុយ​នៅ​ក្នុង​ប្រទេស​មួយ​នេះ​ ព្រម​ទាំង​ហាម​ឃាត់​ការ​ធ្វើ​ដំណើរ​ មក​កាន់​អង់គ្លេស​នេះ​​ថែម​ទៀត​ផង​។

ការ​ដាក់​ទណ្ឌកម្ម​មួយ​នេះ​ បាន​ធ្វើ​ឲ្យ​ខូច​ដល់​ដំណើរ​ការ​ នៃ​គម្រោង​លក់​ក្លឹប​របស់​លោក​ Roman មួយ​វិញ​ទៀត​ទណ្ឌកម្ម​បាន​ធ្វើ​ឲ្យ​ Chelsea ​ត្រូវ​ដាក់​ដំណើរ​ការ​ក្រោម​លក្ខខណ្ឌ​ពិសេស​ចាប់​ពី​ថ្ងៃ​នេះ​តទៅ​។

ទណ្ឌកម្ម​នេះ​បាន​ធ្វើ​ឲ្យ​ប៉ះ​ពាល់​យ៉ាង​ខ្លាំង​ ដល់​ក្រុម​តោ​ខៀវ​នេះ​ ដោយ​ខាង​ក្រោម​នេះ​ជា​អ្វី​ដែល​ Chelsea អាច​ធ្វើ​បាន​ និង​មិន​អាច​ធ្វើ​បាន​ចាប់​ពី​ថ្ងៃ​នេះ​ទៅ​៖

អ្វី​ដែល​ Chelsea អាច​ធ្វើ​បាន​៖

  • បន្ត​ការ​ប្រកួត​ជា​ធម្មតា​ ដោយ​មាន​ខ្ទង់​ចំណាយ​ មាន​កំណត់​​ក្នុង​ការ​រៀប​ចំ​ ក៏​ដូច​ជា​ចូល​រួម​ប្រកួត​
  • បន្ត​បើក​ប្រាក់​ខែ​បុគ្គលិក​របស់​ខ្លួន​ទាំង​អស់​ រាប់​បញ្ចូល​ទាំង​កីឡាករ​ គ្រូ​ មន្ត្រី​ក្លឹប​ទាំង​អស់​
  • ទទួល​ចំណូល​ពី​ក្រុម​ហ៊ុន​ចាក់​ផ្សាយ​ប្រកួត​
  • អាច​ឲ្យ​អ្នកគាំទ្រ​ដែល​បាន​ទិញ​សំបុត្រ ​ចូល​មើល​ការ​ប្រកួត​ មុន​ថ្ងៃ​ទី​១០ ខែមីនា​ ឆ្នាំ២០២២ បន្ត​ចូល​មើល​ការ​ប្រកួត​ជា​ធម្មតា​

អ្វី​ដែល​ Chelsea មិន​អាច​ធ្វើ​បាន​៖

  • ធ្វើ​កុងត្រា​ថ្មី​ជា​មួយ​កីឡាករ​ ទិញ​កីឡាករ​ថ្មី​ ធ្វើ​កុងត្រា​ថ្មី​ជា​មួយ​ដៃ​គូរ​នានា​
  • មិន​អាច​លក់​សំបុត្រ​ចូល​ទស្សនា ​ប្រកួត​បាន​ទៀត​នោះ​ទេ​ចាប់​ពី​ថ្ងៃ​នេះ​
  • ហាង​លក់​ទំនិញ​ សម្ភារៈ​ផ្សេង​របស់​ក្លឹប​នេះ ​ក៏​មិន​អាច​បើក​ដំណើរ​បាន​ទៀត​នោះ​ដែរ​
  • មិន​អាច​លក់​ក្លឹប​នេះ​បាន​ទេ​ (លក់​បាន​ក្នុង​ករណី​ Abramovich ឲ្យ​ រដ្ឋាភិបាល​អង់គ្លេស​ជា​អ្នកចាត់ចែង​ ហើយ​លោក​នឹង​មិន​ទទួល​ប្រាក់​ពី​ការ​លក់​នេះ​នោះ​ទេ)​៕ Source: Sabay

Most Popular

To Top