ក្លឹបបិសាចក្រហម Man UTD បានទទួលរងការព្រមានថា ការតែងតាំង គ្រូបង្វឹកថ្មីលោក Erik Ten Hag នឹងអាចនាំឲ្យមានការចាកចេញនូវតារាឆ្នើមៗ មួយចំនួនរបស់ក្លឹប ដែលក្នុងនោះរួមមានទាំងកីឡាករ Bruno Fernandes ផងដែរ។
កីឡាករ Fernandes រូបនេះទើបតែបានសម្រេចចិត្ត ក្នុងការបន្តកុងត្រាថ្មី ដែលមានរយៈពេល៥ឆ្នាំ ជាមួយនឹងក្លឹបប៉ុន្តែនឹងអាចរងបញ្ហាចំពោះអនាគតរបស់ខ្លួន ប្រសិនបើគ្រូបង្វឹកលោក Erik Ten Hag ពិតនឹងក្លាយជាគ្រូបង្វឹកថ្មីនៅ Old Trafford នោះ។
គួរឲ្យដឹងដែរថាកិច្ចព្រមព្រៀង រវាងក្លឹបបិសាចក្រហម Man UTD និងគ្រូបង្វឹកក្លឹប Ajax លោក Erik Ten Hag គឺបានឈានទៅដល់ការយល់ព្រមគ្នា ដោយពាក្យសំដីរួចទៅហើយ ដើម្បីជំនួសតំណែងលោក Ralf Rangnick៕ ប្រែសម្រួល ៖ស៊ុនលី
