ខ្សែបម្រើប្រយុទ្ធ Gareth Bale បន្ទាប់ពីចាកចេញពីក្លឹបយក្សអេស្ប៉ាញ Real Madrid ពេលនេះមានក្លឹបដល់ទៅជាង១០កំពុងចាប់អារម្មណ៍លើរូបគេ។
ក្នុងចំណោមទាំងជាង១០ក្លឹប Cardiff ក៏ស្ថិតក្នុងនោះដែរ ដោយពួកគេសង្ឃឹមអាចប្រជែងជាមួយក្លឹបផ្សេងៗដើម្បីនាំយក Bale មកកាន់ក្រុម។ កីឡាករសញ្ជាតិវែលបានចាកចេញពី Madrid ដោយគ្មានតម្លៃខ្លួន បន្ទាប់ពីកុងត្រារបស់គេអស់ ក្រោយលេងជាមួយក្លឹបរយៈពេល៨រដូវកាល។
ប្រធានក្រុមរបស់ជម្រើសជាតិវែលខាងលើ ទើបតែជួយប្រទេសរបស់ខ្លួនបានឡើងទៅលេងពានរង្វាន់ World Cup ជាលើកដំបូងចាប់តាំងពីឆ្នាំ១៩៥៨ ក្រោយយកឈ្នះអ៊ុយក្រែនកាលពីថ្ងៃសៅរ៍។ បច្ចុប្បន្នរូបគេក៏កំពុងស្វែងរកក្លឹបថ្មីផងដែរ ដើម្បីត្រៀមខ្លួននិងមានឱកាសលេងពាន World Cup ដែលនឹងរៀបចំនៅខែវិច្ឆិកាខាងមុខ។
មុនជំនួបរបស់ជម្រើសជាតិវែលជាមួយអ៊ុយក្រែន Bale បានទម្លាយឲ្យដឹងថា គេទទួលបានសំណើជាច្រើន ប្រមាណជាង១០ក្លឹប។ Cardiff ដែលជាក្លឹបកំពុងលេងនៅ Championshipជឿជាក់អាចមានឱកាសផ្ទេរយក Bale មកកាន់ទីក្រុងកំណើតរបស់គេ៕
ប្រភព៖http://sabay
