កាតា ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា អាជ្ញាកណ្តាលសញ្ជាតិបារាំង អ្នកស្រី Stéphanie Frappart បានក្លាយជាស្ត្រីដំបូងគេ ដែលទទួលបន្ទុកការ ប្រកួតបាល់ទាត់ពិភពលោក បុរស កាលពីថ្ងៃព្រហស្បតិ៍ ខណៈនាងបានផ្លុំកញ្ចែ ដើម្បីចាប់ផ្តើមការប្រកួត របស់អាល្លឺម៉ង់ ទល់នឹងកូស្តារីកា ។
អ្នកស្រី Frappart ក៏មានស្ត្រី២នាក់ជាជំនួយការទៀត គឺអ្នកស្រី Neuza Back ជនជាតិប្រេស៊ីល និង អ្នកស្រី Karen Diaz Medina ជនជាតិ ម៉ិកស៊ិក ដើម្បីបំពេញក្រុមអាជ្ញាកណ្តាលស្ត្រីទាំងអស់ នៅលើទីលាន។អ្នកស្រី Kathryn Nesbitt ជនជាតិអាមេរិកក៏កំពុងធ្វើការនៅកីឡដ្ឋាន Al Bayt ជាអ្នកឯកទេសក្រៅប្រព័ន្ធ នៅក្នុងក្រុមត្រួតពិនិត្យវីដេអូ ។
FIFA មានស្ត្រី២នាក់ទៀតគឺ អ្នកស្រី Salima Mukansanga មកពីប្រទេស Rwanda និង អ្នកស្រី Yoshimi Yamashita របស់ជប៉ុនស្ថិតក្នុងបញ្ជី របស់ខ្លួនសម្រាប់ការប្រកួត អាជ្ញាកណ្តាលក្នុងការប្រកួត នៅប្រទេសកាតា ។ អ្នកស្រី Frappart ត្រូវបានជ្រើសរើសពីមុនសម្រាប់តួនាទីជាមន្ត្រីទី៤។
ស្ត្រីជនជាតិបារាំងអាយុ ៣៨ ឆ្នាំត្រូវបានផ្សព្វផ្សាយ ក្នុងការប្រកួតបុរស ដោយស្ថាប័នបាល់ទាត់អឺរ៉ុប UEFA និងប្រទេសកំណើតរបស់អ្នកស្រី ហើយអ្នកស្រីបានអាជ្ញាកណ្តាល ការប្រកួតបុរសរួចហើយ ការប្រកួតជម្រុះ World Cup និង Champions League ។
អ្នកស្រីក៏បានទទួលបន្ទុកការ ប្រកួតវគ្គផ្តាច់ព្រ័ត្រ French Cup ផ្នែកបុរសឆ្នាំនេះ និងវគ្គផ្តាច់ព្រ័ត្រ នៃការប្រកួតបាល់ទាត់ពិភពលោកនារីឆ្នាំ២០១៩ សម្រាប់ FIFA ៕
