រុស្ស៊ី៖ អ្នកប្រយុទ្ធក្បាច់គុន ចម្រុះ ដែលកើតនៅអាមេរិក លោក Jeff Monson បានលះបង់សញ្ជាតិអាមេរិក របស់លោកកាលពីខែកុម្ភៈជុំវិញគោល នយោបាយការបរទេស របស់វ៉ាស៊ីនតោន ឥឡូវបានក្លាយជាសមាជិកជាប់ឆ្នោតនៃ Kurultai ជាសភា ថ្នាក់តំបន់មួយ ក្នុងសាធារណរដ្ឋ Bashkortostan របស់ប្រទេសរុស្ស៊ី យោងតាមការចេញ ផ្សាយពីគេហទំព័រ RT ។
លោក Monson ស្ថិតនៅលំដាប់ទី ៥ ក្នុងបញ្ជី របស់គណបក្ស United Russia សម្រាប់ការបោះឆ្នោតថ្នាក់តំបន់ បានធ្វើឡើង នៅថ្ងៃទី ១០ ខែកញ្ញា។ គណបក្សកាន់អំណាចរបស់ប្រទេសនេះ បានបញ្ចប់ ដោយឈ្នះ ៨៧ អាសនៈ ក្នុងចំណោម ១១០ ក្នុងសភាបន្ទាប់ពីការបោះឆ្នោត ។ កាលពីថ្ងៃពុធ អ្នកប្រដាល់ ទម្ងន់ធ្ងន់អាយុ ៥២ ឆ្នាំដែលបន្ត អាជីពកីឡា របស់ខ្លួនបានបញ្ជាក់ប្រាប់ទី ភ្នាក់ងារព័ត៌មាន TASS ថា ឥឡូវលោកជាសមាជិក នៃ Kurultai។
អស់រយៈពេលជាច្រើនឆ្នាំ លោក Monson បានរស់នៅ ក្នុងតំបន់ Bashkortostan ជាតំបន់ភាគច្រើន នៃប្រជាជន ម៉ូស្លីមដែលមានប្រជាជនចំនួន ៤ លាននាក់មានទីតាំងនៅចន្លោះទន្លេ Volga និងភ្នំ Ural ។ នៅឆ្នាំ ២០២១ លោកបានបើកសាលាកីឡាជីជឺស៊ូ និងរៀនក្នុងទីក្រុង Ufa ដ៏សំខាន់របស់សាធារណរដ្ឋ ។
កាលពីខែកុម្ភៈ អត្តពលិក បានបោះបង់សញ្ជាតិអាមេរិក របស់លោក ដោយពន្យល់ថា លោកមិនយល់ស្របនឹង គោលនយោបាយការបរទេស របស់វ៉ាស៊ីនតោន ។ លោកបាននិយាយថា ជនជាតិអាមេរិក ជ្រៀតជ្រែកកិច្ចការផ្ទៃក្នុង របស់ប្រទេសដទៃ ហើយប្រជាជនរងគ្រោះ ដោយសារតែរឿងនេះ៕
ដោយ៖លី ភីលីព
