យោងតាមការចេញ ផ្សាយរបស់ The Goal នៅថ្ងៃនេះបានឲ្យដឹងថាក្លឹបអ្នកមានបុណ្យ Barcelona បានបើកការចរចា សាជាថ្មីជាមួយនឹងក្លឹប Man UTD ដើម្បីអាចធានាបាននូវកុងត្រាខ្ចីជើង លើកទី២កីឡាករ Marcus Rashford ។
ទោះបីជាមានព័ត៌មាន មិនផ្លូវការជាច្រើន អំពីការចរចាទិញកុងត្រា កីឡាករដាច់តែម្តង នៅអេស្បាញក្តី ប៉ុន្តែមិនមានការសម្រេចចិត្តណា មួយត្រូវបានធ្វើឡើងនោះទេសម្រាប់ ខ្សែប្រយុទ្ធអង់គ្លេសរូបនេះ។
ការចរចាធ្លាប់បានធ្វើឡើងដែរសម្រាប់ការផ្ទេរ ចេញពី Man UTD មកចូលរួម Barcelona ប៉ុន្តែតម្លៃខ្លួន៣០លានអឺរ៉ូ ក្នុងស្ថានភាពក្លឹបពេលនេះ ហាក់ដូចជាមិនអនុញ្ញាតិឲ្យការងារនេះ ប្រព្រឹត្តិបានជោគជ័យនោះទេ។
គួរឲ្យដឹងដែរថា ចាប់តាំងតែពីបានផ្ទេរ មកចូលរួម Barcelona មកកីឡាកររូបនេះបានបង្ហាញខ្លួន ចំនួន៤៥ដង ដោយអាចស៊ុតបញ្ចូលទីបាន១៣លើក និងជួយមិត្តរួមក្រុមស៊ុតបាន១៣គ្រាប់ផងដែរ៕
ប្រែសម្រួល៖ស៊ុនលី
