រដ្ឋកាលីហ្វ័រញ៉ា ៖ យោងតាមការចេញផ្សាយពីគេហទំព័រ Japan Today បានប្រាប់ឲ្យដឹងថា កីឡាករ Miguel Almiron របស់ក្រុមប៉ារ៉ាហ្គាយ បានអះអាងពីចំណុចមួយមិនចង់បាន នៃប្រវត្តិសាស្ត្របាល់ទាត់កាលពីថ្ងៃសុក្រ បន្ទាប់ពីបានក្លាយជាកីឡាករដំបូងគេ ត្រូវបានបណ្តេញចេញ ដោយសារតែការបិទមាត់របស់លោក ក្នុងអំឡុងពេលប្រឈមមុខដាក់គ្នា នៅលើទីលានក្រោមច្បាប់ថ្មីរបស់ FIFA។
អតីតកីឡាកររបស់ក្រុម Newcastle គឺលោក Almiron ត្រូវបានពិន័យជាប្រាក់ក្នុងម៉ោងបន្ថែមតង់ទីមួយ បន្ទាប់ពីបានបិទមាត់របស់លោក ខណៈលោកហាក់ចង់និយាយទៅកាន់ Mert Muldur របស់ក្រុមទួរគី ក្នុងអំឡុងពេលការប្រកួត World Cup ពូល D របស់ក្រុមទាំង ២ នៅ Santa Clara រដ្ឋកាលីហ្វ័រញ៉ា។
ក្រុមប៉ារ៉ាហ្គាយកំពុងនាំមុខ ១-០ នៅពេលកីឡាករ Almiron ត្រូវបានបណ្តេញចេញ បន្ទាប់ពីការពិនិត្យ VAR ។ FIFA បានប្រកាសកាលពីខែមេសាថា កីឡាករដែលបិទមាត់របស់ពួកគេក្នុងការប្រឈមមុខដាក់គ្នាជាមួយគូប្រកួតនឹងត្រូវបានផ្តល់កាតក្រហម។
នេះបើយោងតាម FIFA បាននិយយាថា គំនិតផ្តួចផ្តើមដែលកំពុងត្រូវបានដាក់ចេញក្នុងព្រឹត្តិការណ៍ World Cup គឺជាផ្នែកមួយនៃកិច្ចខិតខំប្រឹងប្រែងដ៏ទូលំទូលាយមួយដើម្បីប្រយុទ្ធប្រឆាំងនឹងការរើសអើងជាតិសាសន៍។
ច្បាប់ថ្មីនេះបានកើតឡើង បន្ទាប់ពីមានការរិះគន់កាលពីដើមឆ្នាំនេះ នៅពេលខ្សែបម្រើស្លាប Benfica គឺ Gianluca Prestianni ត្រូវបានចោទប្រកាន់ពីបទប្រមាថមើលងាយពូជសាសន៍លើតារាឆ្នើមរបស់ក្រុម Real Madrid គឺ Vinicius Junior ក្នុងអំឡុងពេលការប្រកួត Champions League កាលពីខែកុម្ភៈ។
លោក Prestianni បានបដិសេធថា មិនបានប្រមាថមើលងាយ Vinicius ទេ ប៉ុន្តែក្រោយមកត្រូវបានហាមឃាត់មិនឲ្យលេងចំនួន ៦ប្រកួត ក្នុងនោះបីប្រកួតត្រូវបានព្យួរ ដោយសារតែអាកប្បកិរិយារើសអើងភេទដូចគ្នា។
លោក Gianni Infantino ប្រធាន FIFA គឺជាអ្នកគាំទ្រដ៏លេចធ្លោម្នាក់នៃច្បាប់ថ្មីនេះ។ លោក Infantino បាននិយាយកាលពីខែមីនាថា “ប្រសិនបើអ្នកមិនមានអ្វីដែលត្រូវលាក់បាំងទេ អ្នកមិនលាក់មាត់របស់អ្នកនៅពេលអ្នកនិយាយអ្វីមួយទេ។ នោះហើយជាវា សាមញ្ញដូចនោះ៕
