ភ្នំពេញ ៖ ក្រុមបាល់ទាត់វ័យចាស់ K8 ទទួលបាន ៣ ពិន្ទុបន្ថែមទៀត ក្នុងការប្រកួតកីឡាបាល់ទាត់ពានរង្វាន់បាល់ទាត់សប្បុរសធម៌ដើម្បី កុមារកម្ពុជា រដូវកាលទី៤ ឆ្នាំ២០២៦ នាថ្ងៃទី១៩ ខែកក្កដា ឆ្នាំ២០២៦ បន្ទាប់ពីយកឈ្នះក្រុមបាល់ទាត់សម្ពន្ធយុវជនស្រលាញ់សន្តិភាព ក្នុងលទ្ធផលបច្ចេកទេស ៥ ទល់នឹង ៤ នៅទីលានបាល់ទាត់វិទ្យាល័យ សម្តេច ហ៊ុន សែន ប៊ុនរ៉ានី ច្បារអំពៅ។
មួយប្រកួតទៀត គឺក្រុមបាល់ទាត់មហាហង្ស All Star ក៏បានយកឈ្នះក្រុមបាល់ទាត់ 9NG Soccer Team ក្នុងលទ្ធផលបច្ចេកទេស ២ ទល់នឹង ១ នៅទីលានបាល់ទាត់វិទ្យាល័យ សម្តេច ហ៊ុន សែន ប៊ុនរ៉ានី ច្បារអំពៅ ។ ដូច្នេះក្រុមបាល់ទាត់វ័យចាស់ K8 និងក្រុមបាល់ទាត់មហាហង្ស All Star ទទួលបាន ៣ ពិន្ទុបន្ថែមទៀតដូចគ្នា។
ថវិកាដែលប្រមូលបានពីការប្រកួតកីឡាបាល់ទាត់ពានរង្វាន់បាល់ទាត់សប្បុរសធម៌ដើម្បីកុមារកម្ពុជា ផ្តល់ជូននៅមន្ទីរពេទ្យគន្ធបុប្ផាអង្គរ ខេត្តសៀមរាប និងមន្ទីរពេទ្យគន្ធបុប្ផានៅរាជធានៅភ្នំពេញ ធ្វើឡើងដើម្បីដល់កុមារដែលសម្រាកព្យបាលជំងឺនៅមន្ទីរពេទ្យទំាង២ ។
សម្រាប់ថ្ងៃទី២៥ នេះក្រុមបាល់ទាត់សម្ពន្ធយុវជនស្រលាញ់សន្តិភាព ប្រកួតជាមួយក្រុមបាល់ទាត់ Vlogger All Stars ខណៈក្រុមបាល់ទាត់វ័យចាស់ K8 ប៉ះនឹងក្រុមបាល់ទាត់មិត្តភាពមន្ទីរពេទ្យព្រះអង្គឌួង ទីលានបាល់ទាត់វិទ្យាល័យ សម្តេច ហ៊ុន សែន ប៊ុនរ៉ានី ច្បារអំពៅចាប់ពីម៉ោង ៤ រសៀលតទៅ៕
ដោយ៖លី ភីលីព
