សេអ៊ូល៖ ប្រទេសកូរ៉េខាងជើង នៅថ្ងៃសុក្រនេះបានរិះគន់មហាអំណាចសហរដ្ឋអាមេរិក ចំពោះការចេញសេចក្តីណែនាំកាលពីខែមុនជុំវិញការគំរាមកំហែងតាមអ៊ីនធឺណិតរបស់របបកុម្មុយនិស្ត នេះបេីយោងតាមការចុះផ្សាយរបស់ទីភ្នាក់ងារសារព័ត៌មាន យុនហាប់។
ក្រសួងការបរទេសរបស់ទីក្រុងព្យុងយ៉ាងបានឲ្យដឹងនៅក្នុងសេចក្តីថ្លែងការណ៍ជាភាសាអង់គ្លេសនៅលើគេហទំព័ររបស់ខ្លួនថា“ ដើម្បីនិយាយឱ្យច្បាស់រដ្ឋរបស់យើង មិនមានអ្វីដែលត្រូវធ្វើទាល់តែសោះ ជាមួយនឹងអ្វីដែលត្រូវបានទាមទារដោយសហរដ្ឋអាមេរិក ដែលជាការគំរាមកំហែងតាមអ៊ីនធឺណិត។
សេចក្តីថ្លែងការណ៍នោះបានបន្ថែមថា សហរដ្ឋអាមេរិក គួរតែដឹងច្បាស់ថា ពាក្យសម្ដី និងសកម្មភាព ដែលគ្មានតម្លៃ និងត្រូវបានបង្កើតឡើងដោយខ្លួនឯង នឹងលែងមានប្រសិទ្ធភាពប្រឆាំងនឹងសហគមន៍អន្តរជាតិទៀតហើយ៕ដោយ ឈូក បូរ៉ា
