អាមេរិក៖ថ្ងៃដែលអ្នកគាំទ្រទូរស័ព្ទ iPhone នៅជុំវិញពិភពលោកបានរង់ចាំបានមកដល់ហើយ នៅទីបំផុត ខណៈក្រុមហ៊ុន Apple ត្រូវបានគេរំពឹងថានឹងបង្ហាញទូរស័ព្ទស្មាតហ្វូនស៊េរីថ្មីរបស់ខ្លួនគឺទូរស័ព្ទ iPhone 13 នៅពេលក្រោយ នៅក្នុងព្រឹត្តិការណ៍ផ្សាយផ្ទាល់ពីទីក្រុង Cupertino រដ្ឋកាលីហ្វ័រញ៉ានេះបើយោងតាមការចេញផ្សាយពីគេហទំព័រឌៀលីម៉ែល។
ក្រុមហ៊ុនបច្ចេកវិទ្យាយក្សនេះក៏អាចបង្ហាញ Apple Watch Series 7 ផងដែរ ទោះបីជាអ្នកជំនាញព្យាករណ៍ពីការអាប់ដេតសំខាន់ៗតិចតួចក៏ដោយបើប្រៀបធៀបទៅនឹងឧបករណ៍កាលពីឆ្នាំមុន។ Apple នឹងបង្ហាញកាស AirPods 3 ថ្មីជាកាសប៊្លូធូសឥតខ្សែរបស់ខ្លួនដែលភ្ជាប់មកជាមួយប្រអប់សាកផ្ទាល់ខ្លួន។
ព្រឹត្តិការណ៍ ‘កាលីហ្វ័រញ៉ាស្ទ្រីម’ នឹងត្រូវបានផ្សាយចេញពី Apple Park និងតាមអ៊ីនធើណេតនៅ apple.com ដោយចាប់ផ្តើមនៅម៉ោង ៦ ល្ងាច BST (ម៉ោង ១ រសៀល EST) អ៊ីម៉ែលអនឡាញក៏នឹងផ្សាយផ្ទាល់នូវព្រឹត្តិការណ៍នេះនៅល្ងាចនេះដែរដូច្នេះសូមប្រាកដថា អ្នកចូលទៅមើលព័ត៌មានចុងក្រោយរបស់ Apple ។
នេះគឺជាអ្វីគ្រប់យ៉ាងដែលនាយកប្រតិបត្តិ Apple លោក Tim Cook ត្រូវបានគេរំពឹងថានឹងប្រកាសនៅល្ងាចនេះដែលអាចបញ្ជាទិញជាមុននៅថ្ងៃនេះសម្រាប់ការចេញផ្សាយនៅចុងខែនេះ៕ ដោយ៖លី ភីលីព
