អាមេរិក ៖ នាយកប្រតិបត្តិ ក្រុមហ៊ុន SpaceX បាននិយាយកាលពី ចុងសប្តាហ៍ថា Starlink ជាប្រព័ន្ធផ្អែកលើផ្កាយរណប ត្រូវបានរចនាឡើង ដើម្បីនាំយកការចូលប្រើ អ៊ីនធើណេត ទៅកាន់តំបន់ ដែលខ្វះខាតក្នុងពិភពលោក ឥឡូវនេះត្រូវបង្ហាញ សកម្មក្នុងប្រទេស អ៊ុយក្រែន ហើយឧបករណ៍ ជាច្រើនទៀត សម្រាប់ប្រើប្រាស់ វាកំពុងដំណើរការ យោងតាមការចេញផ្សាយ ពីគេហទំព័រស្គាយញ៉ូវ ។
ប្រទេសអ៊ុយក្រែន បានថ្លែងអំណរគុណ ដល់មហាសេដ្ឋីបច្ចេកវិទ្យា Elon Musk បន្ទាប់ពីឧបករណ៍ប្រើប្រាស់ សេវាអ៊ីនធឺណិត ផ្កាយរណប Starlink របស់ក្រុមហ៊ុន SpaceX បានមកដល់ប្រទេសនេះ ។ លោក Musk បានឆ្លើយតបថា អ្នកត្រូវបានស្វាគមន៍បំផុត បន្ទាប់ពីឧបនាយករដ្ឋមន្ត្រី អ៊ុយក្រែន Mykhailo Fedorov បានសម្តែងការអរគុណ របស់គាត់នៅលើ Twitter ។
លោក Fedorov ក៏បានចែករម្លែករូបភាពនៃចាន Starlink នៅខាងក្រោយឡានដឹកទំនិញផងដែរ ។ មុននេះ ឧបនាយករដ្ឋមន្ត្រី បានស្នើសុំឲ្យលោក Musk ប្រើប្រាស់សេវាកម្មនេះ ។ Starlink គឺជាប្រព័ន្ធអ៊ីនធើណេត មានមូលដ្ឋាន លើផ្កាយរណប ដែល SpaceX បាននឹងកំពុងសាងសង់ អស់ជាច្រើនឆ្នាំ ដើម្បីនាំយកអ៊ីនធើណេត ទៅកាន់តំបន់ដែលខ្វះខាត ក្នុងពិភពលោក ៕ដោយ៖លី ភីលីព
