អាមេរិក៖នាវិកស៊ីវិលទាំងអស់នៃបេសកកម្ម Inspiration4 របស់ក្រុមហ៊ុនអវកាស SpaceX បានពណ៌នាការធ្វើដំណើរ រយៈពេល ៣ ថ្ងៃរបស់ពួកគេទៅកាន់ទីអវកាសថា ជាការបំផុសគំនិត និងអារម្មណ៍នៅក្នុងបទសម្ភាសន៍លើកដំបូងរបស់ពួកគេ ចាប់តាំងពីវិលត្រឡប់មកផែនដីវិញ នេះបើយោងតាមការចេញផ្សាយពី គេហទំព័រឌៀលីម៉ែល។
សមាជិកនាវិក៤នាក់គឺលោក Jared Isaacman, Hayley Arceneaux, Sian Proctor និង Chris Sembroskiបានប្រាប់Lester Holt របស់ទូរទស្សន៍ NBC ថា វាជាអនុស្សាវរីយ៍នៃដំណើរកម្សាន្ត ជាមួយពួកគេអស់មួយជីវិត។ លោក Arceneaux អាយុ ២៩ ឆ្នាំបាននិយាយនៅក្នុងបទសម្ភាសន៍ថា ទិដ្ឋភាពចុងក្រោយនៃផែនដីនៅក្នុងCupola បានធ្វើឲ្យខ្ញុំមានអារម្មណ៍រំជើបរំជួលហើយខ្ញុំដឹងថាខ្ញុំនឹងគិតអំពីរឿងនេះអស់មួយជីវិត។
លោកស្រី Proctor បានបន្ថែមថា ឈ្មោះរបស់យើងគឺការបំផុសគំនិត ហើយដើម្បីអាចចាប់យកទិដ្ឋភាពនោះហើយនាំវាត្រឡប់មកផែនដីវិញគឺពិសេសណាស់។ លោកស្រី Proctor អាយុ ៥១ ឆ្នាំបានបង្កើតប្រវត្តិសាស្ត្រក្នុងនាមជាស្ត្រីស្បែកខ្មៅដំបូងគេដែលបានបម្រើការជាអ្នកបើកយានអវកាសហើយបាននិយាយថាបទពិសោធន៍របស់នាងមានអត្ថន័យចំពោះនាង បន្ទាប់ពីនាងបានក្លាយជាបេក្ខជនចុងក្រោយដើម្បីក្លាយជាអវកាសយានិករបស់ណាសាក្នុងឆ្នាំ ២០០៩ ប៉ុន្តែមិនត្រូវបានជ្រើសរើស។
នៅពេលអ្នកគិតថា ផ្នែកដ៏ល្អបំផុតនៃជីវិតរបស់អ្នកបានឆ្លងកាត់អ្នកនៅពេលអ្នកកាន់តែចាស់ទៅវានៅតែមានច្រើនដើម្បីរៀនមានអ្វីជាច្រើនត្រូវស្វែងយល់អ្វីដែលត្រូវធ្វើច្រើនទៀត។វាគ្រាន់តែអស្ចារ្យ នេះគឺជាវិធីល្អបំផុតដែលខ្ញុំធ្លាប់ស្រមៃចង់ទៅអវកាសជាមួយបុគ្គលទាំងនេះតាមរបៀបនេះជាមួយ SpaceX ។ ខ្ញុំរំភើបណាស់៕ដោយ៖លី ភីលីព
