ក្រុងប៉េកាំង៖ មជ្ឈមណ្ឌលឧតុនិយមជាតិរបស់ប្រទេសចិនបានបន្តការប្រកាសអាសន្នពណ៌លឿងសម្រាប់ព្យុះភ្លៀងនៅថ្ងៃសៅរ៍ ខណៈភ្លៀងធ្លាក់ខ្លាំងត្រូវបានគេរំពឹងថានឹងបោកបក់ផ្នែកខ្លះនៃប្រទេសមួយនេះ។
មជ្ឈមណ្ឌលបាននិយាយថា ចាប់ពីម៉ោង ២:០០ រសៀលថ្ងៃសៅរ៍ ដល់ម៉ោង ២:០០ រសៀលថ្ងៃអាទិត្យ ភ្លៀងធ្លាក់ខ្លាំង និងព្យុះភ្លៀងត្រូវបានគេព្យាករណ៍ថានឹងវាយប្រហារផ្នែកខ្លះនៃខេត្ត Guangdong, Guangxi, Jiangxi, Hunan, Fujian, Anhui, Jiangsu និង Zhejiang ។
នេះបើយោងតាមមជ្ឈមណ្ឌលឧតុនិយមបាននិយាយថា ជាពិសេស តំបន់មួយចំនួននៅក្នុងខេត្ត Guangdong និង Jiangxi នឹងមានភ្លៀងធ្លាក់ខ្លាំង ដោយមានភ្លៀងធ្លាក់ពី ១០០ ទៅ ១៨០ មីលីម៉ែត្រ ។ រដ្ឋាភិបាលក្នុងតំបន់ត្រូវបានជំរុញឲ្យកាត់បន្ថយការផ្គត់ផ្គង់ថាមពលខាងក្រៅដែលអាចបង្កគ្រោះថ្នាក់ និងផ្អាកប្រតិបត្តិការខាងក្រៅនៅក្នុងតំបន់បើកចំហ។
មជ្ឈមណ្ឌលក៏បានស្នើឲ្យអនុវត្តវិធានការបង្ហូរទឹកចាំបាច់ក្នុងតំបន់ទីក្រុង និងដីស្រែចម្ការ។ ប្រទេសចិនមានប្រព័ន្ធព្រមានអាកាសធាតុពណ៌ចំនួនបួនកម្រិត ដោយពណ៌ក្រហមតំណាងឱ្យការព្រមានធ្ងន់ធ្ងរបំផុត បន្ទាប់មកដោយពណ៌ទឹកក្រូច លឿង និងខៀវ៕ ដោយ៖លី ភីលីព
