ទីក្រុងឡុងដ៍ ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា ការផ្លាស់ប្តូរ ដែលមិនធ្លាប់មានពីមុនមក សម្រាប់អ្នកគាំទ្រ ១0,000 នាក់អាចចូលរួមការប្រកួត វគ្គផ្តាច់ព្រ័ត្រ នៃព្រឹត្តិការណ៍ការប្រកួតកីឡាបាល់ទាត់ Champions League ដោយឥតគិតថ្លៃ ។
កាយវិការរបស់អ្នករៀបចំការ ប្រកួត UEFA ថា សម្រាប់ការប្រកួតវគ្គផ្តាច់ព្រ័ត្រ ក្លិបដ៏ធំបំផុតក្នុងពិភពបាល់ទាត់ ផ្ទុយពីសំបុត្រថោកបំផុត សម្រាប់ Super Bowl កាលពីថ្ងៃអាទិត្យ ដែលមានតម្លៃ រាប់ពាន់ដុល្លារ ។ ក្លិបនីមួយៗនឹងទទួលបានសំបុត្រចំនួន ៥,000 សន្លឹក សម្រាប់ការប្រកួត នៅទីក្រុង St. Petersburg នៃប្រទេសរុស្ស៊ី នៅថ្ងៃទី ២៨ ខែឧសភា ត្រូវតែផ្តល់ទៅឲ្យអ្នកគាំទ្រ ដ៏ស្មោះត្រង់ជាជាងអ្នក ឧបត្ថម្ភ ឬមន្ត្រីក្លិប ។
ប្រធាន UEFA លោក Aleksander Ceferin បាននិយាយនៅក្នុងសេចក្តី ថ្លែងការណ៍មួយថា អ្នកគាំទ្របាល់ទាត់ គឺ ជាឈាមនៃការប្រកួត ហើយយើង គិតថា វានឹងជាមធ្យោបាយដ៏ល្អមួយ ក្នុងការទទួលស្គាល់ការលំបាក ដែលពួកគេបានជួបប្រទះ រយៈពេល ២ ឆ្នាំចុងក្រោយនេះ និងរបៀបពួកគេ នៅតែអាចគាំទ្របាន ។ ក្រុមរបស់ពួកគេ និងរស់នៅតាមចំណង់ របស់ពួកគេ ទោះបីជានៅឆ្ងាយពីកីឡដ្ឋានក៏ដោយ ។
វាក៏នឹងមានការចែកសំបុត្រឥតគិតថ្លៃចំនួន ៨,000 សន្លឹករវាងក្រុមចុងក្រោយ នៃការប្រកួត Europa League នៅទីក្រុង Budapest ប្រទេសហុងគ្រី និង ៦,000 សម្រាប់ការប្រកួត វគ្គផ្តាច់ព្រ័ត្រនៃការប្រកួតពានរង្វាន់ Europa Conference League កម្រិតទី៣នៅទីក្រុង Tirana ប្រទេសអាល់បានី។ សម្រាប់ការប្រកួត ក្លិបនារីជាន់ខ្ពស់របស់ UEFA អ្នកគាំទ្រ ៦,000 នាក់អាចចូលរួមការ ប្រកួតវគ្គផ្តាច់ព្រ័ត្រ Champions League ដោយមិនគិតថ្លៃ នៅកីឡដ្ឋាន Juventus ក្នុងទីក្រុង Turin នៅថ្ងៃទី ២២ ខែឧសភា ។
UEFA បាននិយាយថា ការផ្តល់រង្វាន់សម្រាប់ការប្រកួត វគ្គផ្តាច់ព្រ័ត្រទាំង៤ កាលខែឧសភា នឹង មិនប៉ះពាល់ដល់ចំនួន សាច់ប្រាក់ ដែលបានចែកចាយដល់ក្លិបនោះទេ ។ UEFA បាននិយាយនៅក្នុងសេចក្តីថ្លែងការណ៍មួយថា តម្លៃសំបុត្រថោកបំផុត ចំនួន២នឹងត្រូវជាប់គាំង សម្រាប់ការប្រកួតវគ្គផ្តាច់ព្រ័ត្រនៃក្របខណ្ឌ Champions League ផ្នែកបុរសសម្រាប់រយៈពេល៣ រដូវកាលបន្ទាប់ ដោយប្រភេទទី ៤ នៅសល់តម្លៃ ៨0 ដុល្លារ និងប្រភេទទី ៣ នៅតម្លៃ ២0៤ ដុល្លារ ។
សារព័ត៌មាន Associated Press បានឃើញដាច់ដោយឡែកពីគ្នានូវឯកសារដែលបង្ហាញពីសំបុត្រថ្លៃបំផុតនឹងកើនឡើងពី ៧00ដុល្លារ កាលពីរដូវកាលមុន នៅវគ្គផ្តាច់ព្រ័ត្រនៅទីក្រុង Porto ដល់ ៧៨0ដុល្លារ ខណៈតម្លៃ ប្រភេទទី ២ នឹងលោតពី ៥៥៥ដុល្លារ។ UEFA គ្រោងនឹងបញ្ជាក់តម្លៃទាំងអស់ ក្នុងខែមីនា ។ ក្រុមអ្នកគាំទ្រ បាល់ទាត់អឺរ៉ុប បានស្វាគមន៍ UEFA ដោយទទួលស្គាល់សារៈសំខាន់ នៃហ្វូងមនុស្សជាមួយនឹង សំបុត្រឥតគិតថ្លៃ និងយុទ្ធសាស្ត្រ កំណត់តម្លៃ៕ ដោយ៖លី ភីលីព
