កូរ៉េ ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា តារាសម្តែងជើងចាស់លោក Jang Dong Gun នឹងក្លាយជាអ្នកដឹកនាំ អាពាហ៍ពិពាហ៍ ក្នុងពិធីមង្គលការរបស់តារា សម្តែងស្រី នាង Son Ye Jin និងតារាសម្តែង លោក Hyun Bin ។
យោងតាមប្រភពខាងក្នុងនៅថ្ងៃទី ២១ ខែមីនា ថា លោកJang Dong Gun នឹងដឹកនាំនៅក្នុងពិធីមង្គលការរបស់ Son Ye Jin និង Hyun Bin ជាមិត្តយូរអង្វែងរបស់ Hyun Bin ។ វាត្រូវបានគេរាយការណ៍ថា Hyun Bin និង Jang Dong Gun បានរក្សាមិត្តភាពរបស់ពួកគេតាំងពីឆ្នាំ ២00៥ ទោះបីជាអាយុរបស់ពួកគេមានគម្លាតពីគ្នា ១0 ឆ្នាំក៏ដោយ។
Jang Dong Gun ក៏មានភាពស្និទ្ធស្នាល ជា មួយនាង Son Ye Jin ផងដែរ ខណៈពួកគេទាំង២នាក់ សកម្មក្នុងវិស័យ ឧស្សាហកម្មក្នុងអំឡុង ពេលស្រដៀងគ្នា ។ លើសពីនេះ វាក៏ត្រូវបានគេរាយការណ៍ថា គូស្នេហ៍មួយគូនេះ បានអញ្ជើញអ្នកនិពន្ធរឿង ‘Crash Landing on You’ មកចូលរួមពិធីមង្គល ការរបស់ពួកគេ។ អ្នកនិពន្ធ Park Ji Eun ត្រូវបានគេដឹងថា ជាមិត្តល្អរបស់គូស្នេហ៍ ទោះបីជារឿងភាគ បានបញ្ចប់ក៏ដោយ ។
ជាមួយគ្នានេះដែរ គូស្នេហ៍មួយគូនេះ បានបញ្ជាក់ថា ពួកគេបានណាត់ជួបគ្នានៅចុងខែធ្នូ ឆ្នាំ ២0២0 ហើយបានប្រកាសរៀបការ នៅថ្ងៃទី ១0 ខែកុម្ភៈ៕ ដោយ៖លី ភីលីព
