ខ្សែបម្រើរបស់ Manchester United កីឡាករ Paul Pogba ត្រូវបានរាយការណ៍ថា បានប្រាប់មិត្តរួមក្រុម គេនឹងចាកចេញពីក្លឹបនៅបញ្ចប់រដូវកាលនេះ ហើយថែមទៀតបានចាកចេញពី Group WhatsApp របស់ក្រុមទៀតផង ។
អ្នកចាត់ការបណ្ដោះអាសន្ន លោក Ralf Rangnick បានបញ្ជាក់ថា Pogba នឹងត្រូវសម្រាករហូតដល់ចប់រដូវកាល បន្ទាប់ពីមានរបួសក្នុងការប្រកួតចាញ់ Liverpool ៤-០ កាលពីសប្ដាហ៍មុន។ កុងត្រាបច្ចុប្បន្នរបស់កីឡាករវ័យ២៩ឆ្នាំជាមួយ United នឹងត្រូវអស់នៅរដូវក្ដៅនេះ ហើយគេកំពុងចង់ចាកចេញក្នុងនាមជាកីឡាករទំនេរ។
យោងតាម Daily Mirror ឲ្យដឹងថា Pogba បានប្រាប់មិត្តរួមក្រុម គេកំពុងស្ថិតលើផ្លូវរបស់គេក្នុងរដូវក្ដៅនេះ ហើយគេថែមទាំងបានចាកចេញពី Group WhataApp របស់ក្រុមដែលទុកទាក់ទងគ្នាទៀតផង។ កីឡាករសញ្ជាតិបារាំងទទួលបានសំណើកុងត្រាពីរពីក្លឹប Real Madrid ណិង PSG។
Pogba គឺជាកីឡាករដែល United ទិញមកក្នុងតម្លៃខ្លួនកំណត់ត្រា របស់ក្លឹប៨៩លានផោន ផ្ទេរពី Juventus កាលពីឆ្នាំ២០១៦។ ៦រដូវកាលជាមួយក្លឹបគេបានជួយឈ្នះពាន League Cup ម្ដងនិង Europa League ម្ដង ៕
