អង់គ្លេស ៖ លោក Roman Abramovich និយាយ ក្នុងសេចក្តីថ្លែងការណ៍មួយថា លោកលាដោយអារម្មណ៍ ដល់អ្នកគាំទ្រ Chelsea មោទនភាពប៉ុន្មានម៉ោង បន្ទាប់ពីកិច្ចព្រមព្រៀង ចុងក្រោយ និងច្បាស់លាស់ត្រូវបានបញ្ជាក់ សម្រាប់ការកាន់កាប់ ៤.២៥ ពាន់លានផោនរបស់លោក Todd Boehly នេះបើយោងតាមការចេញផ្សាយពីគេហទំព័រឌៀលីម៉ែល ។
ជនជាតិរុស្សី បានយល់ព្រមលក់ក្រុម Premier League ក្នុងតម្លៃ ៤.២៥ពាន់លានផោន ទៅឲ្យក្រុមហ៊ុន ដែលដឹកនាំដោយម្ចាស់ផ្នែក Los Angeles Dodgers Todd Boehly និងគាំទ្រដោយ Clearlake Capital ។ Chelsea បានបញ្ជាក់នៅព្រឹកនេះថា កិច្ចព្រមព្រៀង នឹងឈានដល់ជាផ្លូវការនៅថ្ងៃចន្ទ ដោយនាំមកនូវការបញ្ចប់ភាពជាម្ចាស់របស់ពួកគេ ដែលបានដំណើរការ ចាប់តាំងពី Abramovich ដាក់លក់ក្លិបនៅថ្ងៃទី ២2 ខែមីនា ។
លោក Abramovich បានបន្តថា វាជាកិត្តិយសមួយជីវិត ដែលបានក្លាយជាម្ចាស់ក្លិប ក្នុងរយៈពេល ១៩ ឆ្នាំ ចុងក្រោយជារយៈពេលមួយ មើលឃើញថា ក្រុមតោខៀវលើកពានទាំងអស់ ដែលអាចធ្វើទៅបាន ។ ចាប់តាំងពីលោកបានទិញ ក្លិបនេះកាលឆ្នាំ ២០០៣ ពួកគេបានឈ្នះពានរង្វាន់ Premier League ចំនួន ៥ ដង Champions Leagues ចំនួន ២ ដង Europa Leagues ចំនួន ២ ដង FA Cup ចំនួន ៥ ដង League Cup ចំនួន៣ និង Club World Cup ៕ដោយ៖លី ភីលីព
