អាមេរិក៖ នេះបើយោងតាមការចេញផ្សាយ ពីគេហទំព័រឌៀលីម៉ែ លបានប្រាប់ឲ្យដឹងថា នាង Ruja Ignatova ត្រូវបានចោទប្រកាន់ពីបទក្លែងបន្លំវិនិយោគិន ចំនួនទឹកប្រាក់ ៤ ពាន់លានដុល្លារ ដោយលក់រូបិយប័ណ្ណគ្រីបតូក្លែងក្លាយហៅថា OneCoin ។
ស្ត្រីជនជាតិប៊ុលហ្គារីម្នាក់ ដែលត្រូវបានគេស្គាល់ថា ជា “Cryptoqueen” ត្រូវបានបញ្ចូលឈ្មោះ ទៅក្នុងបញ្ជីរបស់ FBI នៃអ្នករត់គេចខ្លួន ក្លាយជាអ្នកបំផុតទាំង ១០ របស់ខ្លួន។ រដ្ឋអាជ្ញាបាននិយាយថា នាង Ignatova ជាពលរដ្ឋអាល្លឺម៉ង់ បានបាត់ខ្លួនកាលពីចុងឆ្នាំ ២០១៧ បន្ទាប់ពីបានគាស់ផ្ទះល្វែងជាកម្មសិទ្ធិ របស់មិត្តប្រុសជនជាតិអាមេរិករបស់នាង ហើយដឹងថា លោកកំពុងសហការជាមួយ FBI ស៊ើបអង្កេតលើ OneCoin ។
នាងបានឡើងយន្តហោះពីប្រទេសប៊ុលហ្គារីទៅក្រិក ហើយមិនបានឃើញទេតាំងពីពេលនោះមក។ FBI កំពុងផ្តល់រង្វាន់ ១00,000ដុល្លារសម្រាប់ព័ត៌មាន ដែលនាំទៅដល់ការចាប់ខ្លួននាង។ ការិយាល័យបាននិយាយថា នាង Ignatova ត្រូវបានគេជឿថានឹងធ្វើដំណើរជាមួយឆ្មាំប្រដាប់អាវុធ និងសហការី ដោយបន្ថែមថា នាងប្រហែលជាបានធ្វើការវះកាត់ កែសម្ផស្ស ឬផ្លាស់ប្តូររូបរាងរបស់នាង។
នាងអាយុ ៤២ ឆ្នាំរូបនេះត្រូវបានចោទប្រកាន់កាលឆ្នាំ ២០១៩ ជាមួយនឹងការរាប់ចំនួន ៨ រួមទាំងការក្លែងបន្លំមូលបត្រសម្រាប់ការដំណើរការ OneCoin Ltd មានមូលដ្ឋាននៅប៊ុលហ្គារី ជាគ្រោងការណ៍ពីរ៉ាមីត៕ ដោយ៖លី ភីលីព
