កីឡាករខ្សែប្រយុទ្ធរបស់ក្លឹប Juventus កីឡាករ Dusan Vlahovic បច្ចុប្បន្នគឺមានទំរង់លេងល្អជាងកីឡាករ ខ្សែប្រយុទ្ធមេឃខៀវ Man City កីឡាករ Erling Haaland នេះបើយោងតាមការលើកឡើង របស់ប្រធានសហព័ន្ធបាល់ទាត់ ស៊ែប៊ីលោក Nenad Bjekovic ។
កីឡាករ Haaland ទើបតែបានបញ្ចប់ទៅនៃការផ្ទេរ ក្នុងតម្លៃកំណត់ត្រាពីក្លឹប Borussia Dortmund ទៅកាន់ក្លឹបម្ចាស់ជើងឯកអង់គ្លេស Premier League មេឃខៀវ Man City កាលពីពេលថ្មីៗនេះប៉ុណ្ណោះ ប៉ុន្តែមានការប្រៀបធៀប ជាច្រើនរវាងកីឡាកររូបនេះ ទៅនឹងកីឡាករខ្សែប្រយុទ្ធផ្សេងទៀត នៅក្នុងតំបន់។
លោក Bjekovic បានបញ្ជាក់ប្រាប់ទៅកាន់កាសែត Tuttosport ថា៖កីឡាករន័រវេស Haaland ខ្លាំងតែកម្លាំងប៉ុន្តែ Vlahovic មានតិកនិកច្រើនជាងគេនិងគ្រប់គ្រាន់ ជាខ្សែប្រយុទ្ធជួរមុខច្រើនជាង៕ ប្រែសម្រួល៖ស៊ុនលី
