ខ្សែបម្រើប្រយុទ្ធ Cristano Ronaldo ទទួលបានចំណាត់ថ្នាក់ទាបបំផុត ជាលើកដំបូងក្នុងការប្រជែងពាន Ballon d’Or ក្នុងរយៈពេល១៧ឆ្នាំចុងក្រោយ។
តារារបស់ក្រុម Manchester United បានបញ្ចប់នៅចំណាត់ថ្នាក់លេខ២០ ដែលជាចំណាត់ថ្នាក់ដូចគ្នា ដែលគេធ្លាប់ទទួលបានកាលពីឆ្នាំ២០០៥។ Ronaldo ធ្លាប់ឈ្នះពាន Ballon d’Or ៥សម័យ ហើយការឈ្នះចុងក្រោយរបស់គេ នៅឆ្នាំ២០១៧។
ខ្សែបម្រើប្រយុទ្ធរបស់ក្លឹប Paris Saint-Germain កីឡាករ Lionel Messi ដែលតែងតែប្រជែងជាមួយ Ronaldo នោះ មិនបានជាប់ក្នុងបញ្ជីចុងក្រោយរបស់ពាន Ballon d’Or ឆ្នាំនេះឡើយ។ កីឡាករសញ្ជាតិអាហ្សង់ទីន ធ្លាប់ឈ្នះពានសម្រាប់បុគ្គលមួយនេះ៧សម័យឯណោះ។
សម្រាប់ឆ្នាំ២០២២នេះ ខ្សែប្រយុទ្ធរបស់ Real Madrid កីឡាករ Karim Benzema ជាអ្នកទទួលបានពាន Ballon d’Or។ កីឡាករសញ្ជាតិបារាំងវ័យ៣៤ឆ្នាំរកបាន៤៤គ្រាប់ ក្នុងការបង្ហាញខ្លួន ៤៦ប្រកួតជួយ Real ឈ្នះពាន Champions League និង La Liga ក្នុងរដូវកាល២០២១-២២៕ Source: Sabay
