CR7 ត្រូវបានចាត់ទុកថា ជាកីឡាករដ៏ល្អបំផុតម្នាក់ ក្នុងប្រវត្តិសាស្ត្រ បាល់ទាត់ ប៉ុន្តែគាត់គឺជាកីឡាករ ដែលកើតចេញពីភាពលំបាក តស៊ូនិងជំនះឧបសគ្គ ជាច្រើន មុនពេលដែលគាត់អាចមក ដល់ចំណុចនេះ ជាពិសេសនៅពេល ដែលគាត់នៅលេងឲ្យ Sporting Lisbon។
នៅក្នុងសៀវភៅថ្មីមួយ ដែលបានសរសេររៀបរាប់ អំពីប្រវត្តិរបស់កីឡាករ បានសរសេរថា កីឡាករឆ្នើមម្ចាស់ពានរង្វាន់ Champions Leauge ៥សម័យកាល និងពានរង្វាន់ Ballon d’Or ចំនួន៥ដង រូបនេះស្ទើរតែបោះបង់ អាជីវរបស់គាត់និង រស់នៅជាជីវិតដូចក្មេងៗ ផ្សេងទៀត ក្នុងតំបន់របស់គាត់ទៅហើយ ។
ជីវិតរបស់គាត់ នៅអាយុ១២ឆ្នាំពិតជាលំបាកបំផុត ជាពិសេសសំពាធរៀនសូត្រផង សំពាធឯកោផង ដោយមានការមើលងាយជាច្រើនផង បានធ្វើឲ្យគាត់ស្ទើរ តែសម្រេចចិត្ត បញ្ឈប់ការលេងបាល់មុន ដែលលទ្ធផលបាន មកដូចបច្ចុប្បន្ន។
គួរឲ្យដឹងដែរថា Ronaldo ចាប់កំណើតក្នុងឆ្នាំ១៩៨៥ នៅកោះ Island of Madeira ដែលមានចំងាយប្រមាណជា ៥៣៥ម៉ាលពីទីក្រុង Lisbon រដ្ឋធានីរបស់ប្រទេសប៉ទុយហ្គាល់ ៕
ប្រែសម្រួល៖ស៊ុនលី
