The Fichajes នៅថ្ងៃនេះបានចេញផ្សាយថាក្លឹបយក្សបារាំង PSG នឹងចូលរួមក្នុងការប្រកួតប្រជែងជាមួយនឹង ហង្សក្រហម Liverpool ដើម្បីអាចដណ្តើមយកកុងត្រារបស់កីឡាករឆ្នើមវ័យក្មេង ម្នាក់របស់ជម្រើសជាតិអាហ្សង់ទីននិងក្លឹប Benfica ផង។
កីឡាករ Enzo Fernandez បានបង្ហាញទំរង់លេងយ៉ាងអស្ចារ្យទាំងជាមួយនឹងក្លឹបជាពិសេសពេលបង្ហាញខ្លួនឲ្យក្រុមជម្រើសជាតិអាហ្សង់ទីននៅក្នុងព្រឹត្តិការណ៍បាល់ទាត់ពិភពលោកនិងថែមទាំងបានជួយឲ្យ ក្រុមលើកពានពិភពលោកឆ្នាំ២០២២បានថែមទៀតផង។
មិនត្រឹមតែជាប់ឈ្មោះជាកីឡាករវ័យក្មេងល្អបំផុតនៅក្នុងព្រឹត្តិការណ៍នេះទេពេលនេះកីឡាករកំពុងក្លាយទៅជាគោលដៅដ៏ទាក់ទាញសម្រាប់ក្លឹបជាច្រើនទៀតផហើយក្នុងនោះក៏មានទាំងក្លឹប Borussia Dortmund ផងដែរ ដែលមើលឃើញគាត់សម្រាប់ជំនួសតំណែងរប់ស Jude Bellingham ដែលជឿជាក់ថានឹងមិនបន្តកុងុត្រាជាមួយនឹងក្លឹបទៀតឡើយក្នុងពេលខាងមុខនេះ៕
ប្រែសម្រួល៖ស៊ុនលី
