ម្ចាស់ផ្ទះ Liverpool បើកទ្វាផ្ទះ Anfield ស៊ុតបាន២គ្រាប់ យកឈ្នះក្រុមភ្ញៀវ Everton នៅក្នុងការប្រកួតដ៏សំខាន់មួយ របស់ក្រុមសម្រាប់រដូវកាលនេះ ខណៈដែលបច្ចុប្បន្នកំពុងស្ថិតនៅ ស្ទើរពាក់កណ្តាលតារាង នៃលីគកំពូលអង់គ្លេសនៅឡើយ។
Liverpool អាចគ្រប់គ្រងបាល់បានទៅដល់៦០ភាគរយ នៃការប្រកួតហើយអាចស៊ុតចេញ បានដល់ទៅ១៥ដង និងចំគោលដៅ៦ ខណៈដែល Everton ស៊ុតចេញបានតែ៦ដងហើយ ចំគោលដៅតែម្តងគត់។
គ្រាប់បាល់ដំបូងរកបាន ដោយកីឡាករខ្សែប្រយុទ្ធ Mo Salah នៅនាទីទី៣៦និងមួយគ្រាប់ទៀត ចូលដល់តង់ទី២នាទីទី៤៩ដោយកីឡាករ Gakpo ។
បញ្ចប់ការប្រកួតសប្តាហ៍នេះ Liverpool យកបាន៣ពិន្ទុមាន៣២ពិន្ទុក្នុងដៃ ឈរនៅលេខរៀងទី៩ ខណៈដែល Everton កំពុងបន្តឈរនៅបាតតារាង មានត្រឹមតែ១៨ពិន្ទុស្ថិតនៅលេខរៀងទី១៨ តំបន់ដែលត្រូវគេកាត់ចោល៕ ប្រែសម្រួល៖ស៊ុនលី
