នៅមុនជ័យជំនះ ក្នុងការប្រកួតប៉ះនឹង Brightonកាលពីយប់មិញ ក្នុងលទ្ធផល២ទល់នឹង១លោកគ្រូបង្វឹកថ្មីក្លឹប Jose Mourinho បានថ្លែងទៅកាន់កម្មវិធីទូរទស្សន៍ Amazon Prime ថាមានរឿងដែលកើតទុក្ខមួយ មកលើរូបគាត់និងក៏ដូចជាក្រុមគ្រួសារទាំងមូលផងដែរនៅមុនមួយថ្ងៃ នៃការប្រកួតនេះ។
លោកបាននិយាយត្រង់ប្រាប់ ទៅកាន់ក្រុមអ្នកយកព័ត៌មាន ថាសត្វសុនករបស់ក្រុមគ្រួសារលោកមួយក្បាល ដែលមានឈ្មោះថាLeyaបានបាត់បង់ ជីវិតនៅចំថ្ងៃបុណ្យណូអែលនៅក្រោយមានសំណួរត្រូវ បានសួរថាតើថ្ងៃបុណ្យណូអែល របស់លោកយ៉ាងណាដែរ។
គ្មានអ្នកណាម្នាក់បានដឹងថា Leyaមានអាយុប៉ុន្មានឡើយ ប៉ុន្តែជឿជាក់ថាវាបានរស់នៅជាមួយនឹងលោកMourinho តាំងតែពីឆ្នាំ២០០៧ មកម្ល៉េះហើយក៏ធ្លាប់ធ្វើឲ្យលោកត្រូវបានប៉ូលីសចាប់ខ្លួនម្តងដែរកាល ពីចុងក្រោយដោយសារតែមិនបាន ចាក់ថ្នាំបានត្រឹមត្រូវឲ្យLeya ៕
ប្រែសម្រួល:ស៊ុនលី
