The Tuttomercatoweb ចេញផ្សាយនៅថ្ងៃនេះបានឲ្យដឹងថាក្លឹបកាំភ្លើងធំ Arsenal កំពុងប្រឹងប្រែងធ្វើការងារមែនទែន ដើម្បីអាចនាំយកកីឡាករឆ្នើម ម្នាក់មកពីអ៊ីតាលីឲ្យបាន។
កីឡាករខ្សែបម្រើឆ្នើមរបស់ក្លឹប Lazio និងកំពុងមានឈ្មោះបោះសំលេងខ្លាំងនៅលីគកំពូលអ៊ីតាលី Serge Milinkovic Savic នឹងក្លាយទៅជាកីឡាករគោលដៅរបស់ក្លឹបកាំភ្លើងធំ Arsenal សម្រាប់ព្រឹត្តិការណ៍ពានរង្វាន់លីគរដូវកាលក្រោយ។
បច្ចុប្បន្នកីឡាករវ័យ២៨ឆ្នាំរូបនេះមានកុងត្រា ដែលជិតផុតសុពលភាពទៅហើយត្រឹមឆ្នាំ២០២៤ ប៉ុណ្ណោះខណៈដែលការចរចាកុងត្រាថ្មី នៅមិនទាន់បានធ្វើហើយក៏មានលេចឬដំណឹងដែរថាក្លឹប Lazio នឹងមិនរក្សាទុកកីឡាកររូបនេះឡើយ នៅរដូវក្តៅខាងមុខនេះ៕ប្រែសម្រួល៖ស៊ុនលី
