Manchester United បានតាមទាន់កំណត់ត្រារបស់ Arsenal មួយទាក់ទងនឹងកម្មវិធី FA Cup។
កំណត់ត្រានោះគឺ បិសាចក្រហម តាមទាន់ Arsenal ក្នុងនាមជាក្លឹបអង់គ្លេសដែលមានវត្តមានច្រើនបំផុតក្នុងការប្រកួតផ្ដាច់ព្រ័ត្រ FA Cup ពោលគឺ ២១ លើក។
គិតមកទល់ពេលនេះ Arsenal ឈ្នះ FA Cup សរុប ១៤ លើក ខណៈបិសាចក្រហមឈ្នះសរុប ១២ ដង។
កាលពីចុងសប្ដាហ៍កន្លងទៅ FA Cup បានរកឃើញគូប្រកួតវគ្គផ្ដាច់ព្រ័ត្រ បន្ទាប់ពីបិទបញ្ចប់វគ្គពាក់កណ្ដាលផ្ដាច់ព្រ័ត្រ។ Manchester City បានយកឈ្នះ Sheffield United ក្នុងលទ្ធផល ៣-០ ឯបិសាចក្រហមយកឈ្នះ Brigton & Hove Albion ក្នុងវគ្គទាត់បាល់ ១១ ម៉ែត្រ។ នេះមានន័យថា Man City នឹងប៉ះ Man Utd ក្នុងវគ្គផ្ដាច់ព្រ័ត្រ FA Cup ដែលគ្រោងធ្វើឡើងនៅដើមខែមិថុនាខាងមុខ៕
