ឥស្លាម៉ាបាដ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១៣ ខែឧសភា ឆ្នាំ២០២៣ថា លោក Imran Khan អតីតនាយករដ្ឋមន្ត្រី ប៉ាគីស្ថាន ត្រូវបានតុលាការកំពូល របស់ទីក្រុងឥស្លាម៉ាបាដ អនុញ្ញាត ឲ្យនៅក្រៅឃុំ នៅថ្ងៃសុក្រ បន្ទាប់ពីការចាប់ខ្លួន របស់គាត់ពីបទប្រព្រឹត្ត អំពើពុករលួយនៅក្នុងសប្តាហ៍នេះ បានបង្កឱ្យមានការប៉ះទង្គិចគ្នា យ៉ាងសាហាវ មុនពេលត្រូវបានប្រកាសថា ខុសច្បាប់ ។
ប៉ុន្តែ លោក Khan មិនត្រូវបានដោះលែងភ្លាមៗនោះទេ ហើយជំនួសមកវិញត្រូវឆ្លើយសំណួរបន្ថែមទៀត ។
មេធាវីរបស់លោក Khan គឺលោក Khawaja Harris បានប្រាប់ដល់អ្នកយកព័ត៌មានបន្ទាប់ពីនោះថា “តុលាការបានអនុញ្ញាតឱ្យលោក Imran Khan នៅក្រៅឃុំបណ្តោះអាសន្នរយៈពេល២សប្តាហ៍ ហើយបានបញ្ជាឱ្យអាជ្ញាធរមិនចាប់ខ្លួនគាត់នៅក្នុងសំណុំរឿងពុករលួយឡើយ” ។
គេបានដឹងថា លោក Khan ត្រូវបានកងទ័ពប៉ារ៉ាយោធា ចាប់ឃុំខ្លួននៅតុលាការកំពូលក្រុងឥស្លាម៉ាបាដកាលពីថ្ងៃអង្គារ ប៉ុន្តែក្រោយមកតុលាការកំពូល បានប្រកាសថា ការចាប់ខ្លួននេះមិនស្របច្បាប់ និងទាមទារឱ្យដំណើរ ការនេះត្រូវបាន “សើរើឡើងិវញ” ។
គួរបញ្ជាក់ថា កាលពីថ្ងៃសុក្រ លោកបានមកដល់ក្នុងក្បួនរថយន្ត ដែលមានសុវត្ថិភាព ហើយបានដើរចូលទៅក្នុងអគារដែលនៅអមដោយប៉ូលិស និងទាហានជាច្រើននាក់ ។
មេធាវីសម្រាប់គណបក្ស របស់គាត់បានប្រមូលផ្តុំគ្នា នៅមុខតុលាការមុនសវនាការហើយស្រែកថា “លោក Imran Khan អ្នកលះបង់របស់អ្នករាប់មិនអស់ទេ” ។
រដ្ឋមន្ត្រីក្រសួងមហាផ្ទៃបានសន្យាថា នឹងចាប់ខ្លួនលោក Khan ឡើងវិញ ដែលមានភាពច្របូកច្របល់ នៅក្នុងសំណុំរឿងផ្លូវច្បាប់មួយចំនួន ដែលជាគ្រោះថ្នាក់ញឹកញាប់ សម្រាប់ឥស្សរជនប្រឆាំងនៅក្នុងប្រទេសប៉ាគីស្ថាន ចាប់តាំងពីលោកត្រូវ បានបណ្តេញចេញពីអំណាចកាលពីខែមេសាឆ្នាំមុន និងបានចាប់ផ្តើមយុទ្ធនាការ ប្រឆាំងនឹងយោធា ៕
ប្រែសម្រួលដោយ៖ ម៉ៅ បុប្ផាមករា
