The Goal ចេញផ្សាយនៅថ្ងៃនេះបានសរសេរថាក្លឹបតោខៀវ Chelsea បានដាក់សំណើរសុំចរចាកំពូលកីឡាករ Kylian Mbappe ពីក្លឹប PSG ខណៈដែលទំនាក់ទំនងរវាងកីឡាករបារាំង និងក្លឹបបារាំងនេះកំពុង មានបញ្ហារកាំរកូសខ្លាំង។
ប្រភពដដែលបានឲ្យដឹងដែរថាទោះបីជាបានដឹងហើយថាកីឡាកររូបនេះ តែងតែចិញ្ចឹមិចិត្តក្នុងការផ្ទេរទៅចូលរួមជាមួយនឹងក្លឹបយក្សអេស្បាញ Real Madrid ក្តីប៉ុន្តែ Chelsea នៅតែចង់សាកល្បងប្រើប្រាស់កញ្ចប់លុយធំដែលខ្លួនមានដើម្បីឆក់យកឳកាសដែលកំពុង មានភាពមិនច្បាស់លាស់បែបនេះ។
ក្លឹប Chelsea បានចំណាយលុយអស់ប្រមាណជា៥០០លានផោន រួចមកហើយត្រឹមរយៈពេលដោះដូរកីឡាករ២រដូវកាលចុង ក្រោយប៉ុន្តែនៅតែមិនមានបញ្ហាក្នុងការចរចាជាមួយនឹងកីឡាករថ្លៃបែបនេះ។
ក្រៅពីនោះផងដែរ Mbappe ក៏នៅមានដំណឹងអំពីការផ្ទេរទៅចូលរួម លេងជាមួយនឹងក្លឹបនៅលីគអារ៉ាប់ក្នុងកញ្ចប់លុយដល់ទៅពាន់លានដុល្លារ ផងនិងកុងត្រាខ្ចីជើងទៅលេងនៅ Liverpool ផងនៅរដូវកាលក្រោយ៕
ប្រែសម្រួល៖ស៊ុនលី
