លោក Pep Guardiola អ្នកចាត់ការក្លឹប Manchester City បានធ្វើការឆ្លើយតបនឹងរឿងដែលថាក្លឹបមួយចំនួននៅអារ៉ាប៊ីសាអ៊ូឌីតចង់បាន ខ្សែបម្រើ Kevin De Bruyne សម្រាប់រដូវកាលក្ដៅខាងមុខ។
លោក Pep បាននិយាយថា៖” បើចង់ច្បាស់អ្នកគួរតែទៅសួរគេទៅ។ ខ្ញុំពេញចិត្តចង់ឲ្យ De Bruyne នៅបន្តជាមួយយើងគ្រាន់តែខ្ញុំអត់ដឹងទេ ខ្ញុំអត់ដឹងថាគេទទួលបានការផ្ដល់អីនៅពីខាងនោះទេ។ និយាយទៅខ្ញុំអត់ទាំងដឹងថា អារ៉ាប៊ីសាអ៊ូឌីតចង់បានគេឬអត់ទេ “។
លោកបន្តថា៖” ចំពោះជម្រើសខ្ញុំគឺដឹងច្បាស់ហើយថា ខ្ញុំចង់ឲ្យគេនៅបន្តជាមួយ Man City យើងទៀត “។
De Bruyne នៅមានកុងត្រាជាមួយ Man City រហូតដល់ឆ្នាំ២០២៥ ខណៈកីឡាករបានបន្តដើរតួយ៉ាងសំខាន់ក្នុងក្លឹបមួយនេះ៕
