លោក Julen Lopetegui អតីតគ្រូបង្គោលក្លឹប Real Madrid នឹងមកជំនួសតំណែង លោក David Moyes អ្នកចាត់ការក្លឹប West Ham United ចាប់ពីរដូវកាលក្រោយនេះតទៅ។ នេះបើយោងតាមការចុះផ្សាយរបស់ Fabrizio Romano នៅក្នុងថ្ងៃនេះ។
ការចរចារវាងលោក Lopetegui និង West Ham ជិតឈានមកដល់ទីបញ្ចប់ហើយដោយ លោក Lopetegui បានព្រមព្រៀងនឹងសំណើរបស់ក្លឹបអង់គ្លេសនេះហើយដោយរង់ចាំដែលការចុះហត្ថលេខាប៉ុណ្ណោះព្រោះនៅបន្តការចរចាត្រង់ចំណុចស៊ីជម្រៅមួយចំនួន។
អតីតគ្រូបង្គោល Real Madrid រូបនេះធ្លាប់ចរចាជាមួយក្លឹបចំនួនដូចជា AC Milan និងក្លឹប Bayern Munich ប៉ុន្តែលោកសម្រេចជ្រើសយកការដឹកនាំនៅ Premier League ជាអាទិភាព។
លោក Lopetegui មានបទពិសោធន៍ដឹកនាំក្លឹប និងក្រុមជម្រើសជាតិមួយចំនួនដោយ លោកធ្លាប់ដឹកនាំ ក្លឹប Rayo Vallecano ក្លឹប Real Madrid Castilla ក្លឹប Porto ក្លឹប Real Madrid ក្លឹប Sevilla និងក្លឹប Wolves។ លោកក៏ធ្លាប់ដឹកនាំក្រុមជម្រើសជាតិអេស្ប៉ាញផងដែរ។
លោកមកដឹកនាំជំនួស David Moyes ខណៈពេលដែលអ្នកចាត់ការ West Ham ខណៈក្លឹបនេះធ្លាក់ទម្រង់លេងដោយនៅខណៈនេះកំពុងឈរនៅលេខរៀងទី៩ ក្នុងតារាងប្រកួត Premier Leaegue៕
