កូរ៉េខាងត្បូង៖ យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា សមាជិកក្រុមចម្រៀងនារី នាង Giselle សមាជិកក្រុម Aespa បានបង្កឲ្យមានពាក្យចចាមអារ៉ាមអំពីការណាត់ជួប បន្ទាប់ពីអ្នកលេងអ៊ីនធើណេតបានលាតត្រដាងការបង្ហោះ “lovestagram” រវាងនាង និងអ្នកនិពន្ធបទចម្រៀងដ៏ពេញនិយមម្នាក់។
លោក Shintaro Yasuda ជាអ្នកនិពន្ធបទចម្រៀងត្រូវបានតែងតាំងសម្រាប់កម្មវិធីពានរង្វាន់ Grammy ដែលធ្លាប់ធ្វើការជាមួយសិល្បករធំៗជាច្រើន។ លោកថែមទាំងបានធ្វើការជាមួយនាង Giselle ខ្លួនឯង និងសមាជិក Ningning ដើម្បីផលិតបទចម្រៀង Subunit ថ្មីៗរបស់ពួកគេ ដែលក្រុមនេះបានសម្តែងក្នុងអំឡុងពេលការប្រគុំតន្ត្រីរបស់ Aespa នៅ Tokyo Dome។
អ្នកលេងអ៊ីនធើណេតបានចង្អុលបង្ហាញពីការបង្ហោះជាច្រើន បានចែករម្លែកដោយនាង Giselle និងអ្នកនិពន្ធបទចម្រៀងនៅលើបណ្តាញសង្គម Instagram ដោយមនុស្សជាច្រើនបានសំដៅទៅលើពួកគេថា ជាការណែនាំ “lovestagram” ដោយក្រុមនេះ។
រូបថតមួយឈុតទៀតបង្ហាញពីនាង Giselle និងលោក Shintaro Yasuda កាន់បង្អែមដូចគ្នានៅពីមុខទីតាំងដូចគ្នា។ ក្នុងការបង្ហោះដូចគ្នា ពួកគេទាំងពីរក៏ចែករំលែករូបភាពដែលមានទិដ្ឋភាពដូចគ្នា។ ការបង្ហោះមួយបង្ហាញរូបថតស្រដៀងគ្នានៃផ្កាសាគូរ៉ា អមដោយចំណងជើងស្រដៀងគ្នាជាច្រើនទៀត។
នេះគឺជាភស្តុតាងគ្រប់គ្រាន់ដើម្បីបង្កឲ្យមានការជជែកវែកញែកយ៉ាងក្តៅគគុកតាមអ៊ីនធើណេត និងបញ្ចុះបញ្ចូលមនុស្សជាច្រើនថា តារា Aespa រូបនេះមិនមែនគ្រាន់តែជាមិត្តភ័ក្តិជាមួយអ្នកនិពន្ធបទចម្រៀងដ៏មានប្រជាប្រិយភាពរូបនេះទេ៕
