កូរ៉េខាងត្បូង ៖ នេះយោងតាមការចេញផ្សាយពីគេហទំព័រ koreajoongangdaily បានប្រាប់ឲ្យដឹងថា YouTuber ជនជាតិកូរ៉េខាងត្បូងម្នាក់ត្រូវបានចោទប្រកាន់ពីបទផ្សព្វផ្សាយព័ត៌មានមិនពិត និងប្រឌិតអំពីតារាសម្តែងលោក Kim Soo-hyun បានបង្ហាញខ្លួននៅតុលាការកាលពីថ្ងៃអង្គារសម្រាប់សវនាការដីកាចាប់ខ្លួនលើការចោទប្រកាន់របស់គាត់។
លោក Kim Se-ui ជាប្រតិបត្តិករ នៃឆានែល YouTube Hoverlab ត្រូវបានចោទប្រកាន់ពីបទបរិហារ កេរ្តិ៍តារាសម្តែងរូបនេះដោយអះអាងមិនពិតថា លោក Kim Soo-hyun បានណាត់ជួបជាមួយតារាសម្តែងនាង Kim Sae-ron កាលពីនាងនៅជាអនីតិជន ហើយសម្ពាធពីខាងគាត់ឲ្យ សងបំណុលបាននាំឲ្យនាងស្លាប់នៅដើមឆ្នាំមុន។
YouTuber រូបនេះក៏ត្រូវបានចោទប្រកាន់ពីបទបង្កើតការ ថតសំឡេងដែលបានកែសម្រួល របស់តារាសម្តែងរូបនេះ ដោយប្រើបច្ចេកវិទ្យា AI ដើម្បីអះអាងមិនពិតថា នាងមានទំនាក់ទំនងផ្លូវភេទ ជាមួយតារាសម្តែងរូបនេះនៅពេលនាងនៅវិទ្យាល័យ។
លោក Kim Se-ui បាននិយាយ នៅខាងក្រៅតុលាការ ស្រុកកណ្តាលទីក្រុងសេអ៊ូលថា ខ្ញុំមិនទទួលស្គាល់ការ ចោទប្រកាន់ណាមួយឡើយ ។ វាជាដីកាចាប់ខ្លួនមិនសមហេតុផល ដែលមិនបានតម្រៀបការពិតជាមូលដ្ឋាន។ គាត់បានសន្យាថានឹងដាក់ពាក្យបណ្តឹងប្រឆាំងនឹងមន្ត្រីប៉ូលីស និងព្រះរាជអាជ្ញាដែលពាក់ព័ន្ធនឹងការដាក់ដីកាចាប់ខ្លួន។
ប៉ូលីសបានដាក់ពាក្យបណ្តឹងពីបទបរិហារកេរ្តិ៍ និងបទចោទប្រកាន់ផ្សេងៗទៀតនៅថ្ងៃទី ១៤ ខែឧសភា បន្ទាប់ពីកំណត់ថា លោក Kim Se-ui ប្រាកដជាបានដឹងថាការចោទប្រកាន់ប្រឆាំងនឹងតារាសម្តែងរូបនេះគឺមិនពិត។
ក្រុមហ៊ុន Hoverlab បានលើកឡើង ពីការចោទប្រកាន់អំពីលោក Kim Soo-hyun ជាតារាសម្តែងដ៏លេចធ្លោបំផុតម្នាក់ របស់ប្រទេស ក្នុងខែមីនា ឆ្នាំ២០២៥ បន្ទាប់ពីតារាសម្តែងរូបនេះត្រូវបានគេប្រទះឃើញស្លាប់នៅផ្ទះរបស់នាងកាលពីខែមុន បន្ទាប់ពីធ្វើអត្តឃាតនៅអាយុ ២៤ ឆ្នាំ៕
