កូរ៉េខាងត្បូង៖យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា តារាចម្រៀង នាង Hyein សមាជិកក្រុម NewJeans កំពុងទទួលបានការចាប់អារម្មណ៍សម្រាប់ការថតរូបទោលដ៏សំខាន់លើកដំបូងរបស់នាងចាប់តាំងពីវិលត្រឡប់មក ADOR ក្រោមការគ្រប់គ្រងរបស់ HYBE ដោយអ្នកលេងអ៊ីនធើណេតកូរ៉េបានលង់ស្នេហ៍នឹងរូបរាងចាស់ទុំរបស់តារារូបនេះ។
ថ្មីៗនេះនាង Hyein ត្រូវបានបង្ហាញជាតារាគម្របសម្រាប់ទស្សនាវដ្តី BAZAAR Korea ខែកញ្ញា ឆ្នាំ ២០២៦។ រូបភាពថ្មីនេះមានអត្ថន័យជាពិសេសសម្រាប់អ្នកគាំទ្រ ព្រោះវាសម្គាល់សកម្មភាពបុគ្គលដ៏លេចធ្លោបំផុតមួយរបស់នាង Hyein បន្ទាប់ពីជម្លោះដ៏យូរអង្វែងរវាង NewJeans និង ADOR។នាង Hyein រួមជាមួយនាង Haerin និងនាង Hanni ពីមុនបានបញ្ជាក់ពីការវិលត្រឡប់របស់នាងទៅ ADOR ខណៈសកម្មភាពនាពេលអនាគតរបស់ក្រុមនៅតែជាប្រធានបទសំខាន់នៃការពិភាក្សាក្នុងចំណោមអ្នកគាំទ្រ។
ជាលទ្ធផល ការរំពឹងទុកមានកម្រិតខ្ពស់សម្រាប់សកម្មភាពដំបូងរបស់សមាជិកបន្ទាប់ពីការវិលត្រឡប់របស់ពួកគេ។ ការបង្ហាញខ្លួនរបស់នាង Hyein នៅលើគម្របខែកញ្ញាបានទាក់ទាញការចាប់អារម្មណ៍ភ្លាមៗ ដោយរូបរាងដ៏ប្លែករបស់នាងបានបង្ហាញម្តងទៀតថាហេតុអ្វីបានជានាងត្រូវបានគេចាត់ទុកថា សាកសមបំផុតសម្រាប់ឧស្សាហកម្មម៉ូដ។
ដោយបានបង្ហាញខ្លួនជាលើកដំបូងជាមួយ NewJeans នៅអាយុត្រឹមតែ ១៤ ឆ្នាំនាង Hyein បានធំធាត់ឡើងគួរឲ្យកត់សម្គាល់នៅក្នុងក្រសែភ្នែកសាធារណជន។ រូបភាពចុងក្រោយរបស់នាងបានធ្វើឲ្យអ្នកគាំទ្រភ្ញាក់ផ្អើលជាមួយនឹងរបៀបដែលរូបភាពរបស់នាងបានវិវត្តន៍ក្នុងរយៈពេលប៉ុន្មានឆ្នាំចាប់តាំងពីការបង្ហាញខ្លួនលើកដំបូងរបស់នាង៕
