តូក្យូ៖ក្រុមហ៊ុន Toyota Motor Corp ក្រុមហ៊ុន Hitachi Ltd និង East Japan Railway Co បាននិយាយរួមគ្នាថា ពួកគេនឹងរួមគ្នា អភិវឌ្ឍន៍ រថភ្លើងដើរដោយ ថាមពលអ៊ីដ្រូសែនគឺជាផ្នែកមួយនៃកិច្ចខិតខំប្រឹងប្រែងរបស់ពួកគេ ដើម្បីកាត់បន្ថយការ បំភាយកាបូនយោងតាមការចេញផ្សាយពីគេហទំព័រជប៉ុនធូដេ។
ក្រុមហ៊ុនទាំង៣បានព្រមព្រៀងសហការគ្នា លើការអភិវឌ្ឍយានយន្តសាកល្បងផ្លូវដែកបំពាក់ដោយប្រព័ន្ធកូនកាត់ប្រើកោសិកាឥន្ធនៈអ៊ីដ្រូសែន និងអាគុយផ្ទុកដែលជាប្រភពថាមពលរបស់ពួកគេ។ ក្រុមហ៊ុន Toyota បានណែនាំរថយន្តម៉ាក Mirai ក្នុងឆ្នាំ ២០១៤ ជារថយន្តផលិតថាមពលអ៊ីដ្រូសែនដំបូងគេរបស់ពិភពលោកនឹងអភិវឌ្ឍអង្គភាពថាមពលកោសិកាឥន្ធនៈនៅលើរថភ្លើងសាកល្បង។
យានយន្តប្រើឥន្ធនៈត្រូវបានបំពាក់ដោយ ថាមពលអគ្គិសនីតាមរយៈប្រតិកម្មគីមីអ៊ីដ្រូសែន និងអុកស៊ីសែនហើយមិនបញ្ចេញ កាបូនឌីអុកស៊ីតឡើយ។ ចំណែកក្រុមហ៊ុន Hitachi ជាក្រុមហ៊ុនផលិតរថភ្លើងធំជាងគេមួយនៅលើ ពិភពលោកនឹងផលិតប្រព័ន្ធដ្រាយកូនកាត់ដែលផ្គត់ផ្គង់ថាមពលអគ្គិសនីដល់ម៉ូទ័រពីទាំងឧបករណ៍ កោសិកាឥន្ធនៈ និងអាគុយផ្ទុកគ្រប់គ្រងចលនាកង់។
ពួកគេបាននិយាយថា JR East នឹងរចនា និងផលិតរទេះ ភ្លើងដែលនឹងត្រូវបានដាក់រហស្សនាមថា Hybari ។ រថភ្លើងធ្វើតេស្តិ៍២ត្រូវបានគេរំពឹងថា នឹងរត់ក្នុងល្បឿនអតិបរមា ១០០ គីឡូម៉ែត្រក្នុងមួយម៉ោងដោយមានល្បឿនបើកបរ រហូតដល់ ១៤០ គីឡូម៉ែត្រ។ លោក Yuji Fukasawa ប្រធានក្រុមហ៊ុន JR East បានថ្លែងនៅក្នុងសន្និសីទសារព័ត៌មានថា យើងនឹងផ្តោតលើប្រតិបត្តិការពាណិជ្ជកម្មជាជំហានបន្ទាប់ របស់យើងបន្ទាប់ពីពិនិត្យមើលការធ្វើតេស្តឡើងវិញ។
ក្រុមហ៊ុនទាំង ៣ គ្រោងនឹងចាប់ផ្តើមសាកល្បងរថភ្លើង ដើរដោយអ៊ីដ្រូសែននឹងត្រូវចំណាយថវិកាសរុបចំនួន ៤ ពាន់លានយ៉េន (៣៨ លានដុល្លារ) នៅខែមីនាឆ្នាំ ២០២២ លើខ្សែរថភ្លើង JR East Tsurumi Line និង Nambu Line នៅជាយក្រុងតូក្យូ៕ ដោយ៖លី ភីលីព
